Lukas 4:34 - Buk Niu In Hida Balu nol Dehet deng Apan-kloma ki in Dadi ka

³⁴ “Hoe! Yesus atuil Nasaret! Ku le tao saa kami la! Ku maa le tao didaan kami le? Kaim taan Ku. Ku niam, Atuil Niu, man hmunan nu Ama Lamtua Allah hid son le tunang maa ka.”

Lukas 4:34 Iomraidhean Croise

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Matius 8:29

oen ahan noan, “Hoe! Ama Lamtua Allah Ana! Tasao le Ku maa poe-pet kami lia? Oras in hukung kami ka maa lius lo bii, mo Ku le maa tao bosor kaim son nia ke!”

Markus 1:24

“Hoeh! Yesus atuil Nasaret! Ku le tao saa kami la! Ku le maa tao didaan kami le? Kaim taan Ku! Ku niam mo, Atuling man hmunan nu Ama Lamtua Allah in hid son, le belen maa ka. Ku niam, Ama Lamtua Atulin Niu', man muik kula-sala lo!”

Markus 1:34

Atuli las in ili ka bili-ngala', mo Yesus taih banan oen totoang. Nol Un nulut soleng uikjale mamo kose'. Mo undeng uikjale kas taan Una, tiata Un beles aa saa lo.

Markus 5:7

Ngat atuling na tao ela kon, Yesus tek noan, “Hoe! Uikjale me! Puti deng atuling na tia!” Mo atuling na ahan mumuun le tek noan, “Hoe! Ku le tao saa au la! Auk tana, Ku niam Yesus, Ama Lamtua Allah man kuasa dudui ka Ana. Auk nodan le Ku tao saa auk deken!”

Lukas 1:35

Kon ima-ii na situn noan, “Elia! Mam Ama Lamtua Allah Koo Niu ka maa se ku. Nol Ama Lamtua Allah in Lapa Dudui ka nini Un kuasa la, le buba-kabut ku. Nini ela lam, tana-ana man ku in hua na, niu baktetebes, lole mam Ama Lamtua Allah noken noan, Un nam Auk Anang esa.

Lukas 4:33

Oe mesa na, Yesus tui nabael se um in kohe-kanas sa lam, muik atuli mes uikjale taman, tiata un ahan mumuun le tek noan,

Lukas 4:41

Se atuil in iling nas kon muik at ila lo, tom uikjale. Mo Yesus prenta uikjale kas le putis deng atuil nas. Tiata oen lail putis nol ahan mumuun le tek noan, “Ku niam, Ama Lamtua Allah Ana!” Ta uikjale kas taan noan, Un na mo Kristus, man Ama Lamtua Allah in hid meman son deng lolo hmunan nua, le tunang maa ka. Undeng na le, Yesus kaing oen le boel aa dasi mes lo kon, deng Un apa ka.

Lukas 8:37

Kon totoang atuil Gerasa man in daad se dale na ngas, nodan Yesus le lako nang soleng one, undeng oen totoang lii isi. Kon Yesus nol Un ima-ii las sakes lui dapas, le noan pait lakos tubu Galilea halin nua.

Dehet deng Aan in Nutus sas 16:39

Kon nam atuil tene nas maas se bui ka, le hao oen in kula ngas. Oen kon nodan le Paulus duas Silas bel ampong one. Hidim oen puting duas deng bui ka, nol nodan duas le halin lakos deng oen kota la.

Dehet deng Aan in Nutus sas 2:27

Ta Un nang soleng auk hmanging ngi napiut se atuil in mate ngas mana la lo. Nol Ama Lamtua nang Un Atulin Niu ka aap-sisin na, le daat se bolo dalen lo.

Dehet deng Aan in Nutus sas 3:14

Mo Yesus nam muik kula-sala lo. Un dalen na banan isi. Gubernur ra le sao Atuling man in muik kula-salan lo na, mo mi totoang labang una. In daat dudui pait ta, mi hode-lokot le nahaku una halin sao pait bel mi atuling daat mesa, man keo atuil tutungus.

Dehet deng Aan in Nutus sas 4:27

Asa man upung Daud in dula ka, halas ni daid son. Nol un nahin na kon, halas ni daid langa son. Meman se kota ni, laih Herodes nol gubernur Pontius Pilatus, blalan-blalan Israel las, nol tulu-tulu deng bangsa-bangsa didang ngas nakbua son. Hidim oen koo mesa, le labang Yesus, Atuling man Ama Lamtua hulin meman son na.

Ibrani 2:14

Undeng Ama Lamtua anan nas nam suma atuil biaas tuun, tiata Yesus kon musti daid atuli banansila el one. Ta Un musti daid atuli muna le, halas-sam Un haup in mate. Nini Un in mate ka, halas-sam Un haup in laok nuhu-dau nal uikjale kas tuang nga in kuasa ka. Ta tuang in daat isi na, man kil kuasa le mana-koet dasi-dais man in butu-kil nol hmate ka ngas.

Yakobus 2:19

Ku daek muid in tui man noan, “Ama Lamtua Allah na mo, suma mes sii. Muik didang pait lo.” Banan kon! Mo uikjale kas banan dui deng ku, undeng oen parsai ela kon, didiin oen lii isi undeng oen taan noan mam oen tom in hukung. Tiata nangan deken noan, tanan nini kutan tuun kon nol son. Ta na tom loo! Ngengom me! In parsai man muik isin saa lo ka, kon muik nahin saa lo.

Yuhanis mesa la 3:8

Mo in nuil le tao kula-sala tutungus sa, maa deng uikjale kas laih tuan na. Ta uikjale ka taan in daek daat si-sii deng lolo hmunan nua. Tiata Ama Lamtua Ana ka maa, le tao dudus uikjale na in tao dadaat tas son.

Apan-kloma Hnika Balu 20:2

Hidim un lako daek ul naga la, na uikjale kas laih tuan na, man oen noken noan “Iblis”. Un man nole-lilung atuli li deng lolo hmunan nua. Kon nam ima-ii na but ul naga la nini ranteng, le hidim hutun tamang lako bolo susa-daat ta. Hidi nam un segel tele bolo ka hnitan na, le tahang ula la se na, didiin taun lihu mesa. Nini ela lam, ul na nole-lilung nal bangsa-bangsa in se apan-kloma ki ngias lo, se taun lihu mes dalen. Hidi na, halas-sam sao una, mo suma nanapat tuun.

Apan-kloma Hnika Balu 3:7

Hidim Atuling Baktetebes sa aa napiut noan, “Yuhanis, ku musti dul surat didang mes pait, isin na elia: ‘Taung jemaat se kota Filadelfia: Surat ni deng Au, Yesus. Auk niam, Niu nol Toma. Auk man kil laih Daud kunci la. Eta Auk sai hnita ka lam, muik in hep nalan pait lo. Nol eta Auk hepan nam, muik in sai nalan lo.