Lukas 4:25 - Buk Niu In Hida Balu nol Dehet deng Apan-kloma ki in Dadi ka

^25-26 Kat kleta deng Ama Lamtua mee-baah, upung Elia. Oe mesan na, ulan nauh lo taun tiul tailuang. Dedeng na, muik bebalu mamo se Israel. Mo Ama Lamtua nutus upung Elia le laok tulung oen se Israel lo. Ama Lamtua suma tunang un lako se blalan bihaat bebalu mesa, se iung Sarfat dani nol kota Sidon. Molota blalan bihatang na, atuil Yahudi lo. Mo un parsai Ama Lamtua Allah in kuasa ka.

Lukas 4:25 Iomraidhean Croise

Matius 20:15

Ta auk muik hak le pake auk duit tas muding auk in koma. Lam taon elol le kaka komali nol auk in daek banan saol atuil didang nga lia?’

Lukas 10:21

Dedeng na, Ama Lamtua Koo Niu ka tao Yesus dalen kolo. Hidim Un naka Ama Lamtua noan, “Papa! Paap man daid Tuang Tene se apan-dapa kua nol apan-kloma kia. Auk nodan mamo-mamo, undeng Paap hep kele dais nias deng atuil man in tao apa ka noan tana, nol atuil in nikit-nikit apan na ngas. Mo Paap sai dais nias totoang bel tana-ana ngas, nol atuil in tao dalen deng dadale ngas. Baktebes Papa! Ta na man tao Paap dalen kolo!”

Roma 9:15

Lole hmunan nu Ama Lamtua Allah tek upung Musa noan, “Auk tulu in namnau bel atuil man Auk in huil esang ngas. Nol Auk bel dael banan se atuil man Auk in tulu esang ngas.”

Roma 9:20

Eta muik in nangan ela kam, auk siut elia: “Ku nangan noan ku nia mo asii la?! Ku le labang nol Ama Lamtua le?” Ela deken! Ta ne Ama Lamtua Buk Niu ka muik in dula noan, “Eta atuli daek sa-saa mesa lam, taon elola le sa-saa in dake na keket bali atuling na noan, ‘Tasao le ku daek auk eli lia!?’ ”

Efesus 1:11

Undeng kit butu-kil nol Kristus, tiata kit kon sium nal pusaka in deng Ama Lamtua Allah ka. Ta deng lolo hmunan nu, Un huil kaim atuil Yahudi li son, le daid Un atulin. Un in tao ka le nini kaim halin sai lalan bel bangsa didang ngas, le halin totoang atuli li haup in parsai se Kristus. Totoang nias dadi, muid asa man Un nutus meman son na. Nini ela lam, kit totoang naka-nahalit nal Ama Lamtua Allah ngala man in muun isi ka.

Efesus 1:9

Hmunan nu, Ama Lamtua Allah tek atuli li Un in koma ka totoang lo bii. Mo halas ni, Un tao kit taan son noan, lolo hmunan nu Un nutus son, le nini Yesus Kristus halin tao atuli li daem nol Ama Lamtua Allah.

Yakobus 5:17

Kit kat kleta deng upung Elia. Un nam mo atuil biaas el kit kon. Mo dedeng un kohe-kanas le nodan halin ulan nauh deken na, ulan na nauh lo meman didiin taun tiul tailuang.

Apan-kloma Hnika Balu 11:6

Dedeng oen duas daid mee-baah taung Ama Lamtua se apan-kloma kia ka, Un beles kuasa le tukan ulan na. Un kon beles kuasa le tao ui mata ngas daid dala, nol kuasa le kil in daat bili-ngala se apan-kloma kia, muding oen in koma ka.