Lukas 4:18 - Buk Niu In Hida Balu nol Dehet deng Apan-kloma ki in Dadi ka

¹⁸ “Ama Lamtua Allah Koo la in kuasa ka muik ne Au. Undeng na le, Un tulu Au, le tek Ama Lamtua Dehet-dasin Banan na bel atuil kasiang ngas. Un nutus Auk son, le tekas noan, in ne bui daleng ngas, mam putis; atuil tedo kas, mam ngat net pait; man tom in tudan-kida ngas, mam haup in sas-sao.

Lukas 4:18 Iomraidhean Croise

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Matius 11:5

Atuil tedo kas, haup in neta. Atuil hlukut-kait tas, laok nala. Atuil in iil baih-bluku ngas, banan. Atuil kiu kas, ming nala. Atuil in mate ngas, nulis pait. Atuil kasiang ngas, ming haup Dehet Dais Banan na.

Matius 12:18

“Olan ngat le! Un niam, Auk Atulin in loka-loka man Auk huil nalan son na. Auk namnau Una, nol Auk daleng kolo tutungus nol Una. Mam Auk belen Auk Koo Niu kia, le Un laok tui atuli li totoang se bangsa-bangsa lias deng Auk lalan in nuil lolo ka.

Matius 12:20

Un dalen na banan. Un tao sus atuil lo. Kai in mana le tehen na kon, Un lukut tehen napiut lo. Nol hadut in le mate ka kon, Un huu tele lo. Un tui atuli li tutungus, didiin totoang bangsa li tana, le nuil muid Ama Lamtua lalan in nuil lolo ka.

Matius 4:16

Oen nulis ne mitang dalen, mo halas ni oen net Langa ka son. Lole Langa ka kaloe son, bel totoang atuil man taan Ama Lamtua Allah lo bii ngas.”

Matius 5:3

“Ulat bating atuil kasiang ngas, undeng Ama Lamtua Allah esa, man daid Laih banan taung one.

Lukas 4:17

Kon oen doong belen upung Yesaya in dula ka. Ta Un bokan le nuting bango, hidim les elia,

Lukas 6:20

Hidim Yesus bali saol Un ima-ii las, le tuis noan, “Ulat bating atuil kasiang ngas! Undeng Ama Lamtua Allah esa man daid mi Lahin banan na!

Lukas 7:22

Hidim Yesus tek Yuhanis ima-ii las noan, “Mi pait lakom le tek kaka Yuhanis deng totoang asa man mi in ming son, nol net esan son nas, banansila el Ama Lamtua Allah mee-baah Yesaya la in dul noan, ‘Atuil tedo kas, haup in neta pait. Atuil in hlukut-kait tas, laok nala. Atuil in iil baih-bluku ngas, daid banan. Atuil kiu kas, ming pait. Atuil in mate ngas, nulis pait. Atuil kasiang ngas, ming haup Dehet Banan na.’

Yuhanis 1:41

Nikit oen pait maas lius kon Anderias laok nuting un kaka Simun meman, le tekan noan, “Hoe kaka! Kaim tutnaal Mesias son!” (Se dais Aram mam, ‘Mesias’ nahin na noan, ‘Kristus, Atuling man Ama Lamtua hid meman son deng lolo hmunan nu le belen maa ka.’)

Yuhanis 12:46

Auk maang le daid banansila el langa se apan-kloma kia. Le halin atuil in parsai se Au ngas totoang nulis se mitang-mames dalen lo.

Yuhanis 3:34

Atuling man Ama Lamtua in niung maa ka, Un tek deng Ama Lamtua Allah in hida ka. Undeng Ama Lamtua bel Un Koo la son, nol muik tahan in pesa lo.

Dehet deng Aan in Nutus sas 10:38

Hidim Ama Lamtua Allah bel Un Koo Niu ka se Yesus, Atuling Nasaret ta. Ama Lamtua kon bel Un in kuasa ka se Yesus. Hidim, Yesus puti-taam ingu-ingu las, le daek dasi-dais banan bel atuli las. Nol Un kon tulung atuil man uikjale kas laih tuan na, tao sus one ngas. Yesus tao ela, undeng Ama Lamtua Allah leo-leo nol Un tutungus.

Dehet deng Aan in Nutus sas 26:18

Ku laok sai oen matan nas, le halin oen nangan tana, nol nulis se langa ka dalen. Hidim oen nang soleng oen lalan in nuli man tom lo ngas. Nol ku kon musti tulu beles lalan in nuli man toma ka. Ku sas-loat oen deng uikjale kas tulu tene ka in kuasa ka, hidim nolas lakos se Ama Lamtua Allah. Nini ela lam, Ama Lamtua Allah kose soleng oen in kula-sala ngas totoang. Oen kon daid Ama Lamtua atulin, leo-leo nol atuil didang man Ama Lamtua in huil nal son nas, undeng oen parsai se Au. Auk in le tek ku ka, ela tuun Saul.’ ”

Dehet deng Aan in Nutus sas 4:26

Lahi-laih man in se apan-kloma ki ngias nakbua, le hote-dait labang nol Ama Lamtua; nol tulu-tulu ngas koo mesa, le lakos labang Ama Lamtua Allah nol Kristus, Atuling man Ama Lamtua tulu meman son deng hmunan nua ka.’

Dehet deng Aan in Nutus sas 4:27

Asa man upung Daud in dula ka, halas ni daid son. Nol un nahin na kon, halas ni daid langa son. Meman se kota ni, laih Herodes nol gubernur Pontius Pilatus, blalan-blalan Israel las, nol tulu-tulu deng bangsa-bangsa didang ngas nakbua son. Hidim oen koo mesa, le labang Yesus, Atuling man Ama Lamtua hulin meman son na.

Yakobus 2:5

Kaka-pail in namnau me! Ama Lamtua Allah huil nal atuil kasiang in ne apan-kloma ki ngias, le oen parsai dididi se Una, tuladang el oen dalen nas muki. Nol Ama Lamtua Allah kon huil one, le haup pusaak deng Un hmuki-nalan in ne sorgang nguas, man Un hid son le belen laok se atuli-atuil in namnau Una ngas.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.