Lukas 4:1 - Buk Niu In Hida Balu nol Dehet deng Apan-kloma ki in Dadi ka

¹ Nikit Yuhanis sarain hidi Yesus kon, Yesus lako nang palun Yordan. Ama Lamtua Koo Niu ka leo-leo nol Una. Hidim Koo Niu ka kil nol Un lako se maan in ete tuun mesa.

Lukas 4:1 Iomraidhean Croise

Matius 3:16

Sarain hidi kon Yesus puti deng palun na dalen. Mo nahkitu lam, apan nu holsai. Hidi kam Un ngat net Ama Lamtua Allah Koo Niu ka niu maa se Una, tuladang el korkifi ka.

Lukas 2:27

Leol na, Ama Lamtua Koo Niu ka pel nol Simeon lako Um in Kohe-kanas Tene ka, tom nol Yesus ina-aman nas in kil nol Un lako se la, le sao daid Ama Lamtua nena ka.

Lukas 3:3

Ming hidi kon, Yuhanis lako se totoang ingu-iung man in dadani nol palun Yordan nas, le tek atuli las noan, “Mi musti hao, le nang soleng mi in kula-sala ngas totoang, halin nam Ama Lamtua Allah kose soleng mi in kula-sala ngas. Hidim mi musti sarani, le halin daid tada noan, mi babanan nol Ama Lamtua son.”

Lukas 3:38

Kenan ama ka ngala, Enos. Enos ama ka ngala, Set. Set ama ka ngala, Adam. Adam nam mo, Ama Lamtua Allah ana in koet ta.

Lukas 4:14

Hidi na kon, Yesus pait lako propinsi Galilea, lole Ama Lamtua Koo Niu ka bel Un kuasa. Nesang lo kon, atuil in se dale Galilea ngas mulai ming hapu, nol taan deng Un ngala ka.

Lukas 4:18

“Ama Lamtua Allah Koo la in kuasa ka muik ne Au. Undeng na le, Un tulu Au, le tek Ama Lamtua Dehet-dasin Banan na bel atuil kasiang ngas. Un nutus Auk son, le tekas noan, in ne bui daleng ngas, mam putis; atuil tedo kas, mam ngat net pait; man tom in tudan-kida ngas, mam haup in sas-sao.

Yuhanis 1:32

Ama Lamtua Allah nutus au, le sarain atuli li nini ui. Un kon tek auk noan, ‘Mam Atuli mes tia se ku la. Hidim Auk Koo la niu maa daad se Una. Mam Atuling na man kil Auk Koo Niu ka, le bel Auk atulin nas kuasa.’ Dedeng Atuling na maa ka, auk taan Un meman lo. Mo nikit auk net Ama Lamtua Koo la niu maa deng apan-dapa ku banansila el korkifi ka, le daad se Un dapa, halas-sam auk taan noan, ‘Un nam mo, Atuling nga na!’

Yuhanis 3:34

Atuling man Ama Lamtua in niung maa ka, Un tek deng Ama Lamtua Allah in hida ka. Undeng Ama Lamtua bel Un Koo la son, nol muik tahan in pesa lo.

Dehet deng Aan in Nutus sas 10:38

Hidim Ama Lamtua Allah bel Un Koo Niu ka se Yesus, Atuling Nasaret ta. Ama Lamtua kon bel Un in kuasa ka se Yesus. Hidim, Yesus puti-taam ingu-ingu las, le daek dasi-dais banan bel atuli las. Nol Un kon tulung atuil man uikjale kas laih tuan na, tao sus one ngas. Yesus tao ela, undeng Ama Lamtua Allah leo-leo nol Un tutungus.

Dehet deng Aan in Nutus sas 8:39

Nikit oen duas putis deng ui la kon, Ama Lamtua Koo Niu ka kil lail-nini Filipus lako se maan didang. Ti atuling tene na ngat net Filipus pait lo son. Tiata un lako napiut, nol dael kolo.