Lukas 3:14 - Buk Niu In Hida Balu nol Dehet deng Apan-kloma ki in Dadi ka

¹⁴ Muik tentara at ila lo kon se na. Oen ketan Yuhanis elia, “Etan kami lam, elola la? Kaim musti tao elola la?” Kon un situs noan, “Boel nuhu-dau atuli las duit tas muid mi in koma ka deken. Nol tukut-klaa atuil dadahut deken. Molam mi musti dalen kolo, nol gaji man mi in sium nol niu na.”

Lukas 3:14 Iomraidhean Croise

Matius 8:5

Hidi na kon Yesus taam lako kota Kapernaum. Se na, muik komendan tentara Roma mesa, maa le nodan tulung noan,

Lukas 19:8

Lakos lius se Sakeos uma la kon, un dil se Yesus sila ka, le tek noan, “Paap Guru! Deng leol neot nia, auk bating totoang auk hmukin nias op dua, le bel op mesan na lako se atuil kasiang ngas. Eta auk sium net bea lai-lisin nam, auk bel pait oen lalis aat.”

Lukas 3:10

Hidi kon atuil hut mamo kas ketan Yuhanis noan, “Tiata kaim musti tao elola la?”

Lukas 3:13

Un situs noan, “Mi kom in nole-lilung daat. Mo kilan deng leol neot nia, mi musti daek lolo-lolo tia. Eta sium bea lam mamo dui deng pamarenta la atorang nga deken. Nang le hutu las baen bea muid atorang nga.”

Dehet deng Aan in Nutus sas 10:7

Nikit ima-ii in deng sorga na nang Kornelis kon, un haman un atuil in dake ngas at dua, nol un tentaran nas at mesa, man kon namnau Ama Lamtua.

Filipi 2:15

Tao ela, le halin mi daid atuil in dalen niu, nol atuil in muik kula lo. Mi nulim ne atuil in daek dadaat nol atuil in nole-lilung daat tas hlala. Mo mi muid oen deken! Ta mi in nuli ka musti niu, undeng mi nam Ama Lamtua anan. Hidim mi in nuli ka musti kaloe' le tulu beles lalan, banansila el langa man in kaloe le laang apan-kloma kia ka.

Filipi 4:11

Auk le nodan saa lo. Lole auk nataka kam auk tuka-dabun saa mes lo kon, undeng auk tui apa ngi le halin daleng kolo nol asa man auk in hapu ngas.

Titus 2:3

Ela kon nol bihata-bihaat in blalan son nas. Tekas le doh oen in dili-dada ka babanan, nol nuil muid Ama Lamtua in koma ka tutungus. Dehet le tao didaan atuil didang ngaal banan deken. Tao nahu apan nol in niun tua mali deken. Molam oen musti tui atuli las le nuil nol babanan.

Apan-kloma Hnika Balu 12:10

Hidim auk ming fala mes pait aa mumuun deng apan nua, le tek noan, “Hmunan nu ul naga na dil tutungus se Ama Lamtua sila ka. Un aa le taan in bel kula kit pail-kakans man in parsai ngas. Un taan in tudu oen duman-lelo. Mo halas ni Mikael nol un nenan nas nulut soleng un son deng sorga. Ta halas ni un oras sa maa lius son, le Ama Lamtua bel boa-blingin atuli lia. Nol halas ni Ama Lamtua kil bandu son nini Un in kuasa man muun isi ka. Hidim Un kon nikit Kristus, Atuling man Un hulin meman son na, le daid Laih taung totoang bangsa lias. Tiata totoang daid inu son.