Lukas 24:44 - Buk Niu In Hida Balu nol Dehet deng Apan-kloma ki in Dadi ka

⁴⁴ Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Lukas 24:44 Iomraidhean Croise

Dehet deng Apan-kloma ki in Dadi ka 14:18

Dedeng na, Melkisedek daid laih kota Salem. Nol un kon daid tulu agama deng Ama Lamtua Allah in Lapa Dui Hihidi ka. Un maa, le kil bel Abram ruti nol anggor uin.

Dehet deng Apan-kloma ki in Dadi ka 22:18

Deng ku in hua-koet tias, mam bangsa-bangsa in se apan-kloma ki ngias totoang, haup hangun, undeng ku muid Auk in leka ka son.’ ”

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Matius 1:22

Dais ni mam daid ela, undeng Ama Lamtua Allah tek meman son deng lolo hmunan nua. Un pake mee-baah Yesaya la, le dul noan,

Matius 16:21

Kilan deng oras na, kon Yesus tek Un ima-ii las noan, “Auk musti lakong kota Yerusalem. Mo mam lius se uang ngam, Auk haup in susa-daat mamo isi, deng blalan hadat tas, tulu agama Yahudi las tene-tenen nas, nol guru-guru agama las totoang. Mam oen keo tele Au, mo bingin dua ka lam, Auk nuling pait.”

Matius 26:54

Mo nang tuun tia! Nang le atuil nias daek Au. Ta totoang man in dul son deng Au, ne Ama Lamtua Allah Buk Niu ka ka, musti dadi.”

Matius 26:56

Mo nang tuun tia! Maa, le daek Auk tia! Ta nias totoang dulas meman son deng lolo hmunan nu ne Ama Lamtua Allah Buk Niu ka.” Net ela kon, Yesus ima-ii las lii isi. Kon oen haung lalis nang soleng Una.

Markus 9:31

undeng Un suma le tui Un ima-ii las siis. Un tek oen noan, “Nesang lo ka kam, oen hee soleng Auk lakong se atuil daat tas. Hidim oen keo tele Au, Atuling Baktetebes sia. Meman Auk mateng, mo bingin dua ka lam, Auk nuling pait.”

Lukas 21:22

Ta Ama Lamtua tunang lelo-leol in susang nas maas, le hukung atuil man in dai hii-ming se Un lo ngas. Nas totoang daid muid asa man Ama Lamtua Allah mee-baha las in dul meman son, deng lolo hmunan nua ka.

Lukas 22:37

Ta atuil Yahudi las bali Auk el atuil daat ta. Hidim nesang lo ka kam, oen maas daek Au. Na tom nol asa man upung Yesaya in dul meman son noan: ‘Oen tao Un tuladang el atuil daat ta!’ ”

Lukas 24:46

Un aa taplaeng noan, “Ama Lamtua mee-baha las dul son noan, Kristus, man Ama Lamtua in tunang maa ka, musti haup susa-daat bili-ngala, hidim Un mate. Mo bingin dua ka lam, Un nuli pait. Mee-baha las dul hidi nas totoang meman son!

Lukas 9:22

Hidi kon Yesus aa taplaeng pait noan, “Auk niam Atuling Baktetebes sa. Auk musti lepa-haal in susa-daat bili-ngala. Mam blalan-blalan hadat atuil Yahudi las, tulu agama las tene-tenen nas, nol guru-guru agama las dai sium noan, Auk nia mo Kristus lo. Hidim mam oen keo tele Au. Meman Auk mateng mo bingin dua ka lam, Auk nuling pait!”

Lukas 9:44

“Mi taad Auk in aa ni babanan! Nesang lo ka kam, atuli le hee soleng Au, Atuling Baktetebes nia. Hidim oen sao Auk lakong bel atuil didang.”

Yuhanis 3:14

Hmunan hesa kua, se maan in ete tuun mesa, upung Musa nistiu ul bis-kunis mes se kai dapa, le totoang atuli li ngat netan, halin oen haup slamat. Dais in ela ka kon musti daid se Au, Atuling Baktetebes sia. Mam oen nistiu Auk ela kon,

Yuhanis 5:39

Mi kom in pres Ama Lamtua Buk Niu ka nol babanan, undeng mi nangan noan se na lam, mam mi haup lalan in nuil toma man hidi nutus taan lo ka. Molota in dula nas tek deng Au.

Yuhanis 5:46

Eta mi parsai baktetebes se Musa lam, taon elola ko mi parsai Auk kon. Lole un dul deng Au lam.

Dehet deng Aan in Nutus sas 13:40

Tiata, mi musti nangan babanan. Ta tamlom asa man Ama Lamtua mee-baah hmuna-hmunan nuas in teka ka, nahi tom se mia la. Undeng oen dul son noan, ‘Mi atuil in hode-lokot daat, man ngat maat halin tuun nol atuil didang ngas, doha loo! Undeng Au, Ama Lamtua Allah daek dasi-dais man tao atuli li le hera-herang; mam mi haup in hukung, didiin mi matem. Auk daek dasi mesa, se dedeng mi in nulim nabale ka, mo mi dai simun lo. Atuli tek mi son kon no, mi dai tanan lo. Banan dui ka, mi nangan dais nias babanan, le halin nam mi kon herang.’ Tiata kaka-pali me, nangan babanan asa man auk in teka apin na. Pasang soleng asa man apin mi in ming son na banansila el atuil in hode-lokot daat tas deken. Auk in dehet ta pes ela. Nodan mamo!”

Dehet deng Aan in Nutus sas 2:27

Ta Un nang soleng auk hmanging ngi napiut se atuil in mate ngas mana la lo. Nol Ama Lamtua nang Un Atulin Niu ka aap-sisin na, le daat se bolo dalen lo.

Dehet deng Aan in Nutus sas 3:18

Molota Ama Lamtua Allah tek meman son lolo hmunan nua, nini Un mee-baha las noan, Kristus, Atuling man Un hulin son na, musti lepa-haal in susa-daat. Meman dais na dadi son.

Dehet deng Aan in Nutus sas 7:37

Musa esa tek atuil Israel las noan, ‘Mam Ama Lamtua Allah nikit nal atuli mes deng mi hlala kia, le daid Un mee-baha, banansila el Un in nikit auk son nia.’

Ibrani 10:1

Eta kit le nangan taan baktetebes deng Ama Lamtua Allah in koma ka lam, atorang man Un bel kit upu kia-kaon nas sa, langa isi lo nabale. Ta nas suma hlen tuun deng dasi-dais banan man Ama Lamtua Allah in le bel kita ngas. Tiata atuli li muid atorang nas, le kil hmukit in tunu-dadung tutungus kon no, nas tao ilang nal oen in kula-sala ngas babanan lo.

Ibrani 3:5

Tiata upung Musa tao muid Ama Lamtua Allah in koma ka, se dedeng un in daid atuil in loka-loka taung Ama Lamtua uma isin na ngas. Ta dedeng na, un tek meman asa man mam Ama Lamtua Allah in le dake ngas.

Ibrani 7:1

Hmunan nu, Melkisedek daid laih se kota Salem. Un kon tulu agama taung atuil in todan-lahing se Ama Lamtua Allah in Lapa Dudui ka. Un ngala ka nahin na noan, “Lahing Dael Lolo”. Nol Laih Salem ma nahin na noan, “Laih Dame”. Muik in taan Melkisedek nam in hua-koet deng asii ka lo. Muik atuli in taan un ama ka, un ina ka, nol un upu kia-kaon nas lo. Muik in taan dehet deng hua un blinga, tamlom un mate blingan na lo. Atuli li suma taan tuun noan, un nam mo laih deng kota Salem, nol tulu agama bel Ama Lamtua Allah. Mo un kon banansila el Ama Lamtua Allah Ana ka, undeng un kon tulu agama man in lako-daek un osa la tutungus. Oe mesan na, lahi ila lo maas nonool oen tentara las, le nuhu-dau upung Abraham tapan nas sa-saa las. Kon upung Abraham leo-leo nol un tapan nas laok hote-dait nolas, didiin oen tao tehen lahi-laih nas. Hidim upung Abraham nol un tapan nas kat pait totoang sa-saa nas. Nikit upung Abraham pait kon, Melkisedek puti deng kota Salem le laok sodo-sium una. Hidim un aa le bel upung Abraham hangun noan, “Nang le Ama Lamtua Allah in Lapa Dudui ka, bel hangun se ku.” Hidi na kon, upung Abraham bating bel Melkisedek op mes deng op hngulu, deng totoang sa-saa man un in nuhu-dau nal pait son nas. Un tao ela, undeng Melkisedek na mo, tulu agama deng Ama Lamtua Allah in Lapa Dudui ka.

Ibrani 9:8

Ama Lamtua Allah nini Un Koo Niu ka son, le bel kit in nangan tana noan, eta kitu tene na kele lalan in taam laok bus el Kamar in Niu Dudui ka nabale lam, nahin na noan, atuli li haup in taam laok se Ama Lamtua sila ka lo bii, etan atorang blaan nas muik nabale.

Petrus mesa la 1:11

Kristus Koo Niu ka daek ne oen dalen nas le tek meman noan, mam Kristus musti tom in susa, nol nini lalan elola, le Un haup susa-daat, hidi nas totoang halas-sam Ama Lamtua nikit Un lapa-lapa. Tiata mee-baha las nuting le taan noan, dais nias bling dadi la.

Apan-kloma Hnika Balu 19:10

Kon auk senet le noan hai bukung nga halin todan-lahing se ima-ii na, mo un kaing auk noan, “Ku todan-lahing se auk ela deken! Ta auk niam Ama Lamtua ata el ku, nol ku kaak-palim man in tek deng Yesus sas kon. Mee-baah man in tek deng Ama Lamtua Allah in hida-hida ngas totoang kon, aa deng Yesus, le halin nam atuli li todan-lahing se Una. Ta Ama Lamtua Koo la in koma ka ela. Tiata todan-lahing se auk deken, mo todan-lahing se Ama Lamtua Allah sii!”