Lukas 24:36 - Buk Niu In Hida Balu nol Dehet deng Apan-kloma ki in Dadi ka

³⁶ Oen nahdeh mamaus ela lam, suknahkitum Yesus dil se oen hlala ka son. Un aa nolas noan, “Boa-blingin!”

Lukas 24:36 Iomraidhean Croise

Matius 10:13

Eta atuil in se um na ngas sium mi nol babanan nam, mi nodan le Ama Lamtua beles hangun. Mo eta oen sium mi lo kam, Ama Lamtua kon beles hangun lo.

Markus 16:14

Hidi na kon, Yesus tutnaal nol Un ima-ii hngul esa kas, se oras oen in daad le kaa ka. Un kaing oen noan, “Hoe! Mi in bon batu kia! Atuli tek mi son noan, oen net Auk son nini oen matan beas esan, mo mi dai parsai lo kia! Mi tek le, oen totoang nole! Ta Auk esang maang lolen son nian. Meman Auk mateng, mo halas ni, Auk nuling pait son! Mi ngat esan tuun.

Lukas 10:5

Eta mi taam lakom se ingu mesa lam, mi boel daad seda-seda se um didang deken. Eta atuli sium mi babanan se uma mesa lam, daad se um na tuun didiin mi haung bokam deng iung na. Eta mi taam lakom se uma mesa lam, mi musti nodan le Ama Lamtua Allah bel hangun se um na isin nas. Eta um lamtua ka sium mi nol babanan nam, taon elola ko Ama Lamtua tulu Un dalen banan na bel uma isin nas. Mo eta oen sium mi lo kam, nang le Ama Lamtua tulu Un dalen banan na bel mi siim tuun. Eta mi tamam se uma mesa, tam ingu mesa, le oen bel mi in kaa-ninu saa tuun kon, sium nol dael kolo. Ta toma eta oen bel mi ela, le seda mi lating nga.

Yuhanis 14:27

Mam etan Auk lakong son nam, Auk tao mi dalen nas le halin mi nuil titu-tema nol dame. Suma Auk siing man bel nal mi dalen nas, titu-tema tuladang ela. Ta totoang in muik ne apan-kloma ki ngias, tao nal mi dalen nas le titu-tema ela lo. Tiata nang le halin nam mi nangan isi deken, nol lii deken.

Yuhanis 16:33

Auk tek bel mi dais nias meman, le halin mi dalen nas tetesa, undeng mi in butu-kil nol Au ka. Ta mam atuil in se apan-kloma ki ngias tao sus mia, nol diku-puang mia. Molam tao teken mi dalen nas, ta Auk tao tehen totoang in kuasa ne apan-kloma ki ngias son!”

Yuhanis 20:26

Hidi nal minggu mes pait kon, Yesus ima-ii las leo-leo nol Tomas, se uma mes dalen. Hnita kas hkaen teles, mo suknahkitu lam Yesus tama le dil se oen hlala ka. Un tek oen noan, “Boa-blingin!”

Korintus mesa la 15:5

Hidi kon Kristus tulu-balang Un apa ka bel Petrus. Un kon tulu-balang apa ka bel Un ima-ii las totoang.

Korintus mesa la 15:7

Hidim Un tulu-balang apa ka bel kaka Yakobus. Nol Un kon tulu-balang Un apa ka bel Un atulin in nutus sas totoang.

Tesalonika dua la 3:16

Ama Lamtua nam mo, Laih in Dame. Auk nodan le Un bel mi in dame se dais saa tuun dalen. Auk nodan le Ama Lamtua leo-leo nol mi tutungus.

Apan-kloma Hnika Balu 1:4

Boa-blingin deng au, bel Ama Lamtua jemaat itu, se propinsi Asia. Auk nodan le Ama Lamtua Allah tulu bel mi un dalen banan na, le halin mi nuil babanan, titu-tema nol dame. Ama Lamtua Allah na mo muik meman lo-lolo hmunan nua, halas nia, nol muik napiut didiin hidi nutus taan lo. Auk kon nodan le Un Koo la tulu bel mi Un dalen banan na, le halin mi nuil babanan, titu-tema nol dame. Auk ngat net Un Koo la, banansila el hngasa iut man saol Ama Lamtua Allah del in prenta ka.