Lukas 23:5 - Buk Niu In Hida Balu nol Dehet deng Apan-kloma ki in Dadi ka

⁵ Mo oen dising noan, “Loo ama gubernur. Atuling ni lako tui se ola-ola le hode-lokot hutu las, halin oen labang. Un tao lobo-lau mulai deng propinsi Galilea maa lius se kota Yerusalem nia.”

Lukas 23:5 Iomraidhean Croise

Matius 11:1

Nikit Yesus tek hidi Un ima-ii at hngul dua kas kon, Un laok papmes ingu-iung in ne dale na ngas, le tui atuli las nol tekas deng Ama Lamtua Allah Dehet Dais Banan na.

Matius 2:1

Dedeng in hua Yesus se iung Betlehem, se propinsi Yudea ka, lahing Herodes kil bandu se la. Dedeng na, muik atuli at ila lo deng maan katang, se halin leol-sake lua, maas se kota Yerusalem. Oen nam mo atuil in tadas taan duun.

Matius 27:24

Nesang lo kon, un tana noan un tao nal saa pait lo son, lole atuil hut mamo kas le hangus tuku-keng lolen son. Tiata un kat ui le haun ima ka se oen silan, hidim tekas noan, “Auk lepa-haal Atuling ni in mate ki lo! Mi totoang man musti lepa-halan!”

Matius 4:23

Hidi nam, Yesus nolas laok papmes propinsi Galilea, le Un tui se atuil Yahudi las um in kohe-kanas sas. Un tui deng Ama Lamtua Allah Dehet Dais Banan na, nol tek puting lalan elol le halin nam atuli li bisa daek muid Ama Lamtua Allah in prenta ngas. Un kon tao banan atuli las deng oen ili koed-ngasing ngas.

Markus 1:14

Se dedeng oen tamang Yuhanis in Sarain Atuli ka lako se bui dalen na, Yesus lako se propinsi Galilea, le nahdeh deng Ama Lamtua Allah Dehet Dais Banan na se la.

Lukas 11:53

Yesus aa hidi kon, guru-guru agama nas nol atuil Farisi las komali isi nol Una. Kilan deng leol neot na, oen taan in ketan bili-ngala le kiu nahu Una. Oen kon nuting lalan tutungus le tao dais nol Una.

Lukas 23:23

Mo atuil nas totoang kidu-ahan nol mumuun dui pait, le dising halin pauk tele Un se kai sangsuli lu dapa. Tiata gubernur ra tahang nalas pait lo,

Lukas 23:6

Ming ela kon, gubernur ra keket oen noan, “Un nia mo atuil Galilea ke?” Kon oen siut noan, “Toma ama. Un deng Galilea!”

Yuhanis 1:43

Se la kon muik atuli mes didang pait, ngala Filipus. Un ingu la ngala Betsaida. Petrus nol Anderias kon deng iung na. Ola ka kon, Yesus nutus le lako Galilea. Kon nam Un tutnaal Filipus, ta Un nusi noan, “Maa, le muid Au, halin daid Auk atulin!”

Yuhanis 19:15

Mo oen kidu-ahan muun dudui pait le tek noan, “Nol puting Un deng nia! Tao tele Un tuun tia! Pauk Un se kai sangsuli lua!” Kon gubernur ra korek tapnaeng oen noan, “Mi in koma ka le auk keo tele mi Lahin nia le?” Kon tulu agama la tene-tenen nas siut noan, “Kaim lahin na suma me sii, mo Kaiser! Muik atuil didang pait lo!”

Yuhanis 2:11

Taad herang na daid se iung Kana, se propinsi Galilea. Na taad herang laih hmunan hesa, man Yesus tulu-balang, le atuli li neta. Un tulu Un in muun-tes sa ela, kon un ima-ii las parsai baktetebes se Una.

Yuhanis 7:41

Tenga las pait tam tek noan, “Loo! Un niam Kristus, man Ama Lamtua tulu meman son deng hmunan nua ka!” Mo tenga las pait tam, kaen noan, “Ela lo! Ta Kristus nam atuil Galilea lo. Toma, ta lo?

Yuhanis 7:52

Kon oen baet un noan, “Hoe! Ku niam atuil Galilea banansila el Una le? Olan ku laok pres Ama Lamtua Buk Niu ka muna le! Hidim les babanan le halin ku tanan noan, muik tahan Ama Lamtua mee-baha mes lo kon, man maa deng Galilea!”

Dehet deng Aan in Nutus sas 10:37

Mi kon ming dehet man in daid son papmes propinsi Yudea ka. Dehet na mulai deng Yuhanis in tek atuli las noan, oen musti tenes deng oen in kula-sala ngas. Nol oen kon musti haup in sarani, halin daid tada noan, oen babanan nol Ama Lamtua son.

Dehet deng Aan in Nutus sas 23:10

Guru nas aa ela son, mo oen in kaen apa ka keko saek tapnaeng, didiin komendan na lii. Un nangan noan, tamlom mo oen totoang haung tao tele Paulus sa. Tiata, un tadu un ima-ii las le laok pel tamang Paulus lako benteng nga dalen.

Dehet deng Aan in Nutus sas 5:33

Ming hidi Petrus in tek ela ka kon, totoang atuil in se maan in nehan dasi ngas koon-mali isi, didiin oen le keo tele Lamtua Yesus anan in nutus nas.

Dehet deng Aan in Nutus sas 7:54

Atuil in daad le nehan dasi ngas ming Stefanus in aa ela ka kon, oen taan meman noan, un soleng kula ka bel one. Tiata oen komali isi le duu-duu siin nol Stefanus.

Dehet deng Aan in Nutus sas 7:57

Ming ela kon, atuil in nehan dasi ngas, kuim kele hngilan nas. Oen ahan mumuun le tadu Stefanus ete'. Hidim oen tukin hangus leo-leo laok diku-puang una.