Lukas 23:4 - Buk Niu In Hida Balu nol Dehet deng Apan-kloma ki in Dadi ka

⁴ Presa-ketan hidi kon, gubernur ra lako dil saol tulu agama las tene-tenen nas, nol atuil hut mamo kas, le tekas noan, “Elia, auk haup atuling ni in kula-sala ana bubuit lo kon.”

Lukas 23:4 Iomraidhean Croise

Matius 27:19

Gubernur ra pres dais na mamasu lam, un sapa ka hid maa tekan noan, “Papa ku! Doha-doha, ta Yesus nam Atuil man muik Un kula-salan lo. Undeng Una, tiata sian auk natloa banan lo. Maa pes halas ni kon, auk nataka kam banan lo tetetas.”

Markus 15:14

Mo ela kon no, gubernur ra keket pait noan, “Lam Un in salan ni asa la? Auk pres Un son, mo Auk haup Un in kula-salan mes lo kon!” Mo oen totoang nakaa muun dui pait noan, “Keo tele Una! Pauk Un se kai sangsuli lu tia!”

Lukas 23:22

Mo gubernur ra nangan nam, tom lo. Kon un keket pait lalis tilu la, le tek noan, “Tasao le auk musti pauk tele Un ela lia? Un in daek daat ti asa la? Auk pres Un son, mo auk haup lalan le pake taung in hukung tele Una lo. Tiata nang, le auk tadu atuli diuk una, hidi lem sao.”

Dehet deng Aan in Nutus sas 25:25

Tiata auk pres una, mo auk haup un in kula-salan man tatai nol in hukung tele lo. Molam un esa nodan le kil nol un dasi li lako se maan in nehan dasi tene kua, tiata bole tam boel lo ko, auk tunang un lako Roma.

Dehet deng Aan in Nutus sas 3:13

Auk le tek mi elia: kit upu kia-kaon, Abraham, Isak nol Yakob todan-lahing Ama Lamtua Allah. Lamtua na, man nikit sakeng Un Atulin man Un huil nal son na lapa-lapa, Atuling na, Yesus. Yesus nam mo, Atuling man lelon mi hutun soleng nol sao Un lako bel gubernur Pilatus. Gubernur Pilatus le sao Una, mo mi labang un in koma ka, le halin sao Yesus deken.

Ibrani 7:26

Yesus nam, tulu agama in lapa dui man kit parlun isi. Lole Un nam, Atuil Niu man muik tahan kula-salan saa lo. Un nam el atuil biasa li le tao kula-sala tutungus lo. Ta Ama Lamtua Allah nikit Un lapa-lapa son, dui deng totoang in ne apan-kloma kia nol in ne sorga nguas.

Petrus mesa la 1:19

Molam Un baen nutus mi nini Un dala ka esa. Na osa isi! Un mate banansila el lae-blai ana man tao kula-sala net lo, mo oen keo tele le daid in sui-nahat ta.

Petrus mesa la 2:22

Ama Lamtua Buk Niu ka dul noan, “Un tao kula-sala net lo. Muik in nole-lilung puit deng Un baha ka lo.”

Petrus mesa la 3:18

Ta Kristus mate oe mes sii, le kose soleng kit atuli li in kula-sala ngas. Un in nuli ka man lolo, nol mate son le seda kit in nuil hmomos sias. Un mate le halin mi babanan pait nol Ama Lamtua Allah. Kristus na mo, atuil banansila el kit kon, atuli tao tele Una, mo hidim Ama Lamtua Koo la bel Un nuli pait.