Lukas 23:22 - Buk Niu In Hida Balu nol Dehet deng Apan-kloma ki in Dadi ka

²² Mo gubernur ra nangan nam, tom lo. Kon un keket pait lalis tilu la, le tek noan, “Tasao le auk musti pauk tele Un ela lia? Un in daek daat ti asa la? Auk pres Un son, mo auk haup lalan le pake taung in hukung tele Una lo. Tiata nang, le auk tadu atuli diuk una, hidi lem sao.”

Lukas 23:22 Iomraidhean Croise

Lukas 23:14

Un tekas noan, “Mi kil nol Yesus maa se au lia, nol tudu Un noan, taom Un hode-lokot hutu-ata kas le labang pamarenta Roma lia. Auk ketan Un oe-oe se mi silan son, mo auk haup Un kula-salan saa lo.

Lukas 23:16

Ta auk le nutus elia: Auk tadu le diku-puang Una, mo hidi nam auk sao.”

Lukas 23:20

Mo gubernur ra le sao Yesus. Tiata un keket atuil hut mamo kas pait noan, “Eta auk sao Yesus tuun tia lam, elola la?”

Lukas 23:21

Mo oen totoang kidu-ahan leo-leo le tek noan, “Deken! Pauk Un se kai sangsuli lu dapa tuun tia! Pakun le halin Un mate se kai sangsuli lu dapa!”

Lukas 23:23

Mo atuil nas totoang kidu-ahan nol mumuun dui pait, le dising halin pauk tele Un se kai sangsuli lu dapa. Tiata gubernur ra tahang nalas pait lo,

Lukas 23:4

Presa-ketan hidi kon, gubernur ra lako dil saol tulu agama las tene-tenen nas, nol atuil hut mamo kas, le tekas noan, “Elia, auk haup atuling ni in kula-sala ana bubuit lo kon.”

Petrus mesa la 1:19

Molam Un baen nutus mi nini Un dala ka esa. Na osa isi! Un mate banansila el lae-blai ana man tao kula-sala net lo, mo oen keo tele le daid in sui-nahat ta.

Petrus mesa la 3:18

Ta Kristus mate oe mes sii, le kose soleng kit atuli li in kula-sala ngas. Un in nuli ka man lolo, nol mate son le seda kit in nuil hmomos sias. Un mate le halin mi babanan pait nol Ama Lamtua Allah. Kristus na mo, atuil banansila el kit kon, atuli tao tele Una, mo hidim Ama Lamtua Koo la bel Un nuli pait.