Lukas 22:70 - Buk Niu In Hida Balu nol Dehet deng Apan-kloma ki in Dadi ka

⁷⁰ Ming ela kon, oen totoang keket noan, “Eta ela lam, Ku nangan noan Ku nia mo, Ama Lamtua Allah Ana ke?” Kon nam Yesus siut noan, “Meman mi in aa ela na, tom baktebes.”

Lukas 22:70 Iomraidhean Croise

Matius 26:25

Hidi nam, Yudas kon keket noan, “Atuling man Paap in aa na, auk lo, ta lo?” Kon Yesus situn noan, “Meman ku esa man tek ela son, mo asii pait ta?”

Matius 26:64

Kon Yesus siut noan, “Meman ama in aa ka toma. Mo nangan ne! Ta mam mi totoang ngat net Au, Atuling Baktetebes nia. Mam Auk daad se sorgang, se Ama Lamtua Allah, man muik kuasa muun dudui ka halin kanan na, le kil prenta leo-leo nol Una. Hidim, mam Auk niu pait maang se nopen daleng.”

Matius 27:11

Nikit atuil nas kil nol Yesus lako lius se gubernur ra kon, un keket Yesus noan, “Elola? Ku niam baktetebes atuil Yahudi las Lahin ne?” Un siut noan, “Baktebes! Paap in aa na, toma.”

Matius 27:43

Eta baktetebes Un nam Ama Lamtua Allah Ana kam, nang le ‘Un nahlae se Ama Lamtua Allah. Ta eta Ama Lamtua kom Una lam, taon elola ko Ama Lamtua man bel slamat Una.’ ”

Matius 27:54

Se Golgota, muik komendan mesa, nol un ima-ii las doh Yesus se kai sangsuli la. Nikit oen net lul-beko ka, nol totoang man in daid son nas kon, oen lii isi. Hidim oen aa nol apa noan, “Idaah! Atuling ni meman baktetebes Ama Lamtua Allah Ana!”

Matius 3:17

Kon nam oen ming haup Ama Lamtua Allah fala ka deng apan nu tek noan, “Un nia mo, Auk Anang in namnau ka. Un tao Auk daleng ngi kolo tutungus.”

Matius 4:3

Nikit Un lubu ela kon, uikjale kas laih tuan na maa sob Una, noan, “Ku niam baktetebes Ama Lamtua Allah Ana ke? Etan baktebes sam, tadu baut nias le daid in kaa tia.”

Markus 14:62

Yesus situn noan, “Meman baktebes! Un mo, Auk niang. Mam mi totoang ngat net Au, Atuling Baktetebes nia, daad se sorga se Ama Lamtua Allah halin kanan na. Un in kuasa ka man muun dui hihidi! Mam Auk nol Un leo-leo kil bandu. Hidi nam, Auk niu maang deng sorgang, se nopen dalen.”

Markus 15:2

Oen lakos lius se gubernur ra kon un ketan Yesus noan, “Elola? Ku niam baktetebes atuil Yahudi las Lahin ne?” Yesus situn noan, “Baktebes! Ama Gubernur tek toman na.”

Lukas 22:71

Kon atuil in nehan dasi ngas aa leo-leo noan, “Kit totoang ming esan son, ta lo? Un nikit apa ka, le daid Ama Lamtua Allah Ana. Ni in bilu-aa! Muid kit atorang agama lia lam, eta muik atuli in tao apa ka banansila el Ama Lamtua kam, atuling na musti mate. Tiata elola? Kit parlu saksi pait lo ka. Hukung tele Un tia.”

Lukas 23:3

Ming ela kon gubernur ra keket Un noan, “Baktebes se? Ku niam atuil Yahudi las lahin ne?” Kon Yesus siut noan, “Baktebes, banansila el ama in aa ka!”

Lukas 4:41

Se atuil in iling nas kon muik at ila lo, tom uikjale. Mo Yesus prenta uikjale kas le putis deng atuil nas. Tiata oen lail putis nol ahan mumuun le tek noan, “Ku niam, Ama Lamtua Allah Ana!” Ta uikjale kas taan noan, Un na mo Kristus, man Ama Lamtua Allah in hid meman son deng lolo hmunan nua, le tunang maa ka. Undeng na le, Yesus kaing oen le boel aa dasi mes lo kon, deng Un apa ka.

Yuhanis 1:34

Auk net dais nas nol auk matang beas si esa. Tiata auk tek mi noan, ‘Atuling in maa nu, Ama Lamtua Allah Ana ka!’ ”

Yuhanis 1:49

Kon Natanel hao noan, “Tuang Guru niam taon elola ko, Ama Lamtua Allah, Ana! Nol Tuang kon taon elola ko, kaim atuil Israel li Lahin!”

Yuhanis 10:30

Ta Auk Amang ngua, nol Auk niam mo, mesa.”

Yuhanis 10:36

Tiata taon elola le didiin mi tek le Auk bilu-aa undeng Auk tek noan, Auk daid Ama Lamtua Ana kia? Nangan hapun lo! Ta Ama in ne sorga ku man tulu Au lia, nol Un man nutus Auk maang se apan-kloma kia.

Yuhanis 18:37

Kon nam, gubernur ra keket pait noan, “Ta Ku niam mo Lahi le?” Yesus siut noan, “Ama gubernur esa man tek noan Auk niam Lahi. In toma ka, hua Auk le daid Lahi. Auk kon maang se apan-kloma kia, le daid Lahi, halin Auk tui-tek deng dasi-dais in toma ngas. Totoang atuil man kil didi dasi-dais in toma ngas, hii-ming se Au.”

Yuhanis 19:7

Atuil Yahudi las siut noan, “Kaim muik Atorang mes deng Ama Lamtua. Muid Atorang na lam, Atuling ni musti mate, undeng Un nikit apa ka le daid Ama Lamtua Allah, Ana.”