Lukas 22:35 - Buk Niu In Hida Balu nol Dehet deng Apan-kloma ki in Dadi ka

³⁵ Hidi kon Yesus aa nolas noan, “Dedeng Auk nutus mi le laok tek Auk Dehet Dais Banan na se ola-ola ka, Auk kaing mi le kil duit deken, tas deken, nol nahan deken. Tiata dedeng na, mi dabun sa-saa se lalan ne?” Kon oen siut leo-leo noan, “Dedeng na kaim dabun sa-saa mes lo kon!”

Lukas 22:35 Iomraidhean Croise

Dehet deng Apan-kloma ki in Dadi ka 48:15

Hidim un kohe-kanas le nodan Ama Lamtua Allah bel Yusuf hangun, noan, “Ku upum Isak ama ka, Abraham, nol ku upum Isak esa, oen duas muid napiut Ama Lamtua Allah in koma ka. Ama Lamtua Allah kon papa-paiduil auk son, deng auk muda bii ku, maa lius leol neot nia.

Lukas 10:4

Mi boel kil duit tam, tas in nisi kai-batu tam, kil nahan dui deng apa mes se lalan deken. Boel soleng oras le aa nol atuil didang se lalan deken.

Lukas 22:34

Mo Yesus situn noan, “Petrus! Hii babanan ne! Duman nia, manu ka tukluin bii, mo ku kaen oe tiul son, noan ku taan Auk lo.”

Lukas 22:36

Kon Un aa taplaeng noan, “Mo halas ni kisa son. Eta mi muik duit tam kila. Eta muik tas sam, kilan kon. Eta muik suli lo kam, laok hee mi kado mesa, le sosa.

Lukas 9:3

Mo Un tek oen noan, “Nangan babanan! Mi boel kil sa-saa se lalan deken. Laok nol kaod in se mi apan na ngas tuun. Kil hnikan deken, tas deken, in kaa se lalan deken, nol duit deken. Kaod in silu kon kil deken!

Korintus dua la 8:15

Na banansila el Ama Lamtua Buk Niu ka in dul noan, “Atuil in haup mamo ka, haup mamo dui deng asa man oen in parlu ngas lo. Nol atuil in haup bubuit ta, oen in hapu ka dabun deng asa man oen in parlu ngas lo.”