Lukas 22:30 - Buk Niu In Hida Balu nol Dehet deng Apan-kloma ki in Dadi ka

³⁰ le halin mam mi daad kaa mija mes nol Au se sorgang. Auk kon bel mi kuasa, le mi prenta ngaal hngul dua in ne Israel las.”

Lukas 22:30 Iomraidhean Croise

Matius 19:28

Un siut noan, “Parsai se Au! Mam eta Ama Lamtua Allah koet totoang le daid balu son nam, Au, Atuling Baktetebes nia, daad se del in loe-liliman na dapa. Lius dedeng na lam, mi in muid Au ngias kon, daad se del in prenta hngul dua dapas, le daid atuil in nutus dasi, bel ngaal Israel las hngul duas!

Matius 5:3

“Ulat bating atuil kasiang ngas, undeng Ama Lamtua Allah esa, man daid Laih banan taung one.

Matius 8:11

Hii ke! Ta mam muik atuil likun el atuling Romang nia, man maas deng leo-sake nol deng leo-dene, le daad kaa fesat leo-leo nol upung Abraham, upung Isak, nol upung Yakob se Ama Lamtua Allah um in ne sorga kua.

Lukas 12:37

Eta tuang nga maa haup un ata kas natang ela lam, taon elola ko oen ontong. Ta mam tuang nga esa, man tulu beles un dalen banan na. Hidim un pake kai-baut ata, le tutan-lau ata kas nol in kaa fala bana-banan sii.

Lukas 14:15

Ming ela kon, deng atuil in daad mija mes nol Yesus sas at mes nikit in aa noan, “In ulat dudui ka, atuil in daad le kaa leo-leo se Ama Lamtua Allah sonaf fa ngas!”

Timutius dua la 2:12

Eta kit keeh nal se susa-daat dalen nam, mam kit kon daad le kil prenta leo-leo nol Una. Mo eta kit kaen Una lam, Un kon kaen kita.

Yakobus 1:1

Boa-blingin deng au, Yakobus! Auk niam, ata deng Ama Lamtua Allah nol kit Lamtuan, Yesus Kristus. Auk dul surat ni bel mi atuil Yahudi in muid Lamtua Yesus son, man lakom daad ne ola-ola, le nuting in nuli ngas.

Apan-kloma Hnika Balu 19:9

Kon ima-ii in deng sorga ka tek auk noan, “Yuhanis! Ku musti dulan elia: ‘Totoang atuil man haup in haep, le maa se Lae-blai Ana ka fesat in sapa ka ngas, mam ulat baktetebes!’ ” Hidim ima-ii na tupang napiut un in aa ka noan, “Ama Lamtua Allah in Teka-teka nias, meman tom baktebes!”

Apan-kloma Hnika Balu 3:21

Asii man tahang napiut le muid Auk didiin mate kam, mam Auk belen hak le daad prenta leo-leo nol Au. Ta Auk kon tahang didi le muid napiut Auk Amang nga, tiata halas ni Auk daad le kil bandu leo-leo nol Una.

Apan-kloma Hnika Balu 4:4

Se na kon muik del ana 24 pukiu del in prenta man se hlala ka ka. Muik tulu 24 man daad se del nas dapas. Oen totoang pake kai-baut muti nol lotong hlotong lahi man daken deng lil-mea.