Lukas 22:29 - Buk Niu In Hida Balu nol Dehet deng Apan-kloma ki in Dadi ka

²⁹ Auk Amang ngu nikit Auk son le kil bandu se Un Sonaf fa. Tiata halas ni Auk kon nikit mia,

Lukas 22:29 Iomraidhean Croise

Matius 24:47

Nol taon elola ko, mam tuang na bel un atulin in loka-loka na kuasa, le mana-koet tuang nga hmuki-nalan nas totoang.

Matius 25:21

Ming ela kon, tuang nga dalen kolo. Un tekan noan, ‘Banan! Ku niam atuil in loka-loka man in banan. Ta auk se iang lo kon no, ku daek nol in makoe son, hidim muid napiut auk in prenta ngas. Undeng ku daek nal os ana nia, ta mam auk nikit ku le kil os man in tene dui pait tas. Mam auk tao fesat, le kit kaa leo-leo nol dael kolo.’

Matius 25:34

Oras na lam, Auk kil prenta son banansila el Lahi ka. Mam Auk tek atuli-atuil in se Auk halin kanan na ngas noan, ‘Mi man sium hangun deng Auk Amang ngu son nas, maa, le tamam se Un uma lia, se maan Un in mana taung mi son lolo hmunan nua ka.

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Matius 5:10

Ulat bating atuil in haup susa, undeng muid Ama Lamtua Allah ngas, ta Ama Lamtua nam, oen Lahin.

Matius 5:3

“Ulat bating atuil kasiang ngas, undeng Ama Lamtua Allah esa, man daid Laih banan taung one.

Lukas 12:32

Hidim Yesus tupang pait noan, “Mi tuladang el lae-blai buan ana mesa, man muik in muun-tes lo. Mo lii deken! Ta mi Aman in ne sorga ku na mo, Laih Tene. Asa man Un nena, kam, Un dalen kolo in bel Un anan man Un in namnau ngas.

Lukas 19:17

Kon lahing nga tek un noan, ‘Banan! Ku niam, ata banan. Undeng auk parsai ku nol dais anang nias, tiata nol nia, auk nikit ku le prenta kota hngulu.’

Korintus mesa la 9:25

Totoang atuil man muid in sukat tas, musti muid baktetebes asa man un gurun na in teka ka sii, ta lo? Oen daek muid mumuun ela, le suma haup hlotong in nala, man mam bloen le daat ta. Mo eta kita lam, kit dake le haup in bele man tahang didiin son na.

Korintus dua la 1:7

Undeng na le kaim parsai baktebes noan, mi dil dididi nol kuat didiin muik in hutlulu lo. Ta kaim tana noan, eta mi haup susa, tuladang el kami lam, Ama Lamtua kon tao kuat-tes mi dalen nas, nol Un kon tao kuat-tes kaim dalen nias.

Timutius dua la 2:12

Eta kit keeh nal se susa-daat dalen nam, mam kit kon daad le kil prenta leo-leo nol Una. Mo eta kit kaen Una lam, Un kon kaen kita.

Yakobus 2:5

Kaka-pail in namnau me! Ama Lamtua Allah huil nal atuil kasiang in ne apan-kloma ki ngias, le oen parsai dididi se Una, tuladang el oen dalen nas muki. Nol Ama Lamtua Allah kon huil one, le haup pusaak deng Un hmuki-nalan in ne sorgang nguas, man Un hid son le belen laok se atuli-atuil in namnau Una ngas.

Petrus mesa la 5:4

Yesus nam mo, banansila el Tulu in Lolo-poa. Eta Un pait maa son nam, Ama Lamtua Allah bel mi in hapu, undeng mi doha-tinang mi atulin nas nol babanan na. Mi in hapu na, daat lo didiin son na.

Apan-kloma Hnika Balu 21:14

Tembok na dil se baut netes tene hngul dua dapas. Se baut netes sas mesa-mesa, dul Lae-blai Ana ka atulin in nutus hngul dua kas ngalan.