Lukas 21:23 - Buk Niu In Hida Balu nol Dehet deng Apan-kloma ki in Dadi ka

²³ Se oras na lam, atuil in sus dudui ngas mo bihaat in behe ngas, nol ina-in in nusu ana blutu mea mamasu ngas. Ta dedeng na, apan-kloma ki papmesa haup susa, nol totoang atuil Yahudi las haup susa-daat ngele, undeng Ama Lamtua Allah komali nol one.

Lukas 21:23 Iomraidhean Croise

Matius 21:16

Kon oen tek Yesus noan, “Hoeh! Ku ming tana-anang nas in nakaa ka tam? Na tom lo tetetas!” Mo Yesus siut oen noan, “Hao, Auk ming. Mo tasao ka? Mi les net se Buk Niu ka deng tana-ana ngas in naka Ama Lamtua Allah ka lo bii ke? Ta muik dulan ne na noan, ‘Ama Lamtua Allah tui tana-ana mea, nol tana-ana blutu kas meman son, le oen naka-naka Una.’ ”

Matius 21:41

Kon atuil Yahudi las tene-tenen nas siut noan, “Taon elola ko un keo tele totoang atuil daat nas. Hidim un bel atuil didang le seb klapa la lolen, man mam bating klapa la in hapu ngas tom nol oras sa.”

Matius 21:44

[Auk tek mi nahlolool tuun. Auk niam, baut netes sa. Atuil man nahi tom baut na ka, mam dudu-dudus. Nol eta baut na nahi tom atuli lam, atuling na kon dudu-dudus.]”

Matius 24:19

In bosor dui ka, bihaat in behe ngas, nol ina-in man nusu tana-ana blutu mea mamasu ngas. Undeng oen lail nal hlapat lo.

Markus 13:17

In bosor dui ka, bihaat in behe ngas, nol ina-in man nusu tana-ana blutu mea ngas. Undeng oen lail nal hlapat lo.

Lukas 19:27

Tiata nol nia, mi laok daek auk musu man in kom auk le daid laih lo ngas. Nolas maas se nia, le keo oen totoang se auk silang ngia. Laok tia!’ ”

Lukas 19:43

Mam mi musu las boa dale pukiu kota la tembok ka, hidim oen tamas keng nol mia.

Lukas 23:29

Ta ola bingin dua kam, in susa tene ka maa, le didiin atuli li tek noan, ‘Bihaat in ulat dui ka, mo bihaat in hua net aan lo ka, nol bihaat in nusu net tana-ana blutu mea lo ka.’

Korintus mesa la 7:26

Halas ni kit haup susa-daat bili-ngala. Tiata eta atuli li elola lam, nang le oen ela. Auk in tao ka elia:

Tesalonika mesa la 2:16

Tapnaeng pait, oen daek tukan-palan bili-ngala le halin nam kaim boel kil Ama Lamtua Dehet Dais Banan na, bel atuil deng bangsa didang lo. Atuil Yahudi las nam kom Ama Lamtua in bel boa-blingin atuil didang lo. Nini ela lam, oen tao oen in kula-sala ngas le unus tene taplaeng. Undeng na, Ama Lamtua Allah koon-mali, le hukung one.

Ibrani 13:16

Nol nadidingun in tao dais banan saol atuli lia deken. Etan oen parlu asa lam, tulung one. Ta nas totoang kon daid banansila el in bele, man tao Ama Lamtua Allah dalen kolo.

Yakobus 5:1

Mi atuil in muki ngas! Tidi mi hngilan nas le hii babanan ne! Mi tahang atuil in daek hiti-late bel mia ngas gaji la. Mo halas ni oen dala-lating ngas haman tek mi in daek nol toma lo na. Taon elola ko, Ama Lamtua man Muun Dui Hihidi ka, ngat net atuil in dakeng nas in susa ka son. Mi in daek ne apan-kloma kia ka, suma kaa le lena-len tuun, nol tao kolo mi dalen nas siis. Halas ni mi banansila el aus-saip apa banan, man le lolat tele ka. Mi hukung nol keo tele atuil banan, man siut puting nal apan se mi sila-matan lo ngas son. Atuil in muki ngas! Lilu le bisat mumuun tia! Ta mam in susa-daat bili-ngala saek tom mia. Mi hmuki-nalan nas le daat sisakes son nia. Nol mi kai-baut in pake man leko-leko ngas, naen soel didaas. Mi lil-mea nol lil-muti kas muik osa lo son. Nol mam lil-mea nol lil-muti nas kaa bali mia, tuladang el ai in kaa nuli kai tuu ka. Taon elola le apan-kloma ki le kiamat, mo mi kukaum nol in tao nakbuan hmuki-nal hmate nas sia? Mi hmuki-nalan nas esan, man mam daid tada, noan, mi nangan taan ol man muik osa ne Ama Lamtua sila-mata ka lo!

Petrus mesa la 4:17

Oras sa maa lius son, le atuli li laok saol Ama Lamtua Allah. Un presa-ketan Un atulin esan nas in nuli ka muna. Tiata nangan! Eta Un presa-ketan kit atuil Kristen ni kon nam, salolen nol atuil in dai sium Un Dehet Dais Banan na lo ngas sa? Taon elola ko oen in haup hukung nga ngele dui pait!