Lukas 21:16 - Buk Niu In Hida Balu nol Dehet deng Apan-kloma ki in Dadi ka

^16-17 Mam atuli mamo kom mi lo isi, undeng mi in muid Au ka. Deng mi nenan nas esan, tuladang el ina-aman, pali-kakan, bata-blane, nol mi tapan nas. Mam deng one la muik in nuting lalan le hee soleng mia, didiin atuli deeh deng mia la tom in keo.

Lukas 21:16 Iomraidhean Croise

Matius 10:21

Mam mi tinang esan tuun, tiam se uma mes dalen, eta muik atuli in parsai se Au kam, un kaka-palin nas esan man nuting lalan le keo tele una. Hidim etan ana mes man parsai se Au lam, mam un ama ka esa man keo una. Eta ina-aman nas parsai se Au lam, mam oen anan nas esan man keo tele one.

Markus 13:12

Eta se um-elan mes dalen atuli mes parsai se Au lam, mam un kaak-palin nas esan nuting lalan le keo una. Nol eta ana mes parsai se Au lam, un ama ka esa man keo una. Ela kon, eta ina-ama deeh parsai se Au lam, mam oen anan nas esan man keo one.

Lukas 12:53

Ama labang ana; ana labang Ama. Ina labang ana; ana labang ina. Been labang nalen; nalen labang been.”

Lukas 21:15

Ta mam Auk bel mi in teka-teka man tom nol in siut puting apan. Nini ela lam, mi musu las taan le aa elol pait ta lo.

Dehet deng Aan in Nutus sas 12:2

Un prenta atuil le laok keo tele Yakobus nini suli. Yakobus na mo, Yuhanis kaka ka.

Dehet deng Aan in Nutus sas 7:59

Oen pasang Stefanus mamasu lam, un haman mumuun le tek noan, “Lamtua Yesus! Auk oras si maa dadani son. Sium auk tia!”

Apan-kloma Hnika Balu 12:11

Kit pail-kakan nas tao tehen ul naga man hmunan nu taan in bel kula oen tutungus sa son, nol undeng Lae-blai Ana na dala ka baa son, le kose soleng oen in kula-sala ngas. Oen kon tao tehen una, undeng oen brain le tek atuli li deng Lae-blai Ana ka dalen banan na. Atuli komali le noan keo tele oen kon no, oen hoen lo.

Apan-kloma Hnika Balu 2:13

Auk taan mi in ne kota Pergamus sas son. Ta in prenta ne na ka, uikjale kas laih tuan na. Ela kon no, mi kil didi Auk ngalang ngia, nol parsai napiut se Au. Hmunan nu muik Auk atulin mes se la, ngala Antipas. Un tui nol in toma deng Auk lalan in nuli ka tutungus, mo oen keo tele una. Ela son kon no, mi kaen Auk lo.

Apan-kloma Hnika Balu 6:9

Hidi na kon, Lae-blai Ana ka bok segel nomer lima la. Kon auk ngat net atuli-atuil man hmunan nu tom in keo ngas. Oen hmangin nas se mija in tunu-dadung nga kloma ka. Oen tom in keo, undeng oen parsai se Ama Lamtua Allah, nol dehet deng Ama Lamtua in Teka-teka ngas se ola-ola.