Lukas 21:15 - Buk Niu In Hida Balu nol Dehet deng Apan-kloma ki in Dadi ka

¹⁵ Ta mam Auk bel mi in teka-teka man tom nol in siut puting apan. Nini ela lam, mi musu las taan le aa elol pait ta lo.

Lukas 21:15 Iomraidhean Croise

Lukas 12:12

Ta se oras na lam, Ama Lamtua Allah Koo Niu ka tui mi in teka-teka man tom nol in siut one.”

Lukas 21:16

Mam atuli mamo kom mi lo isi, undeng mi in muid Au ka. Deng mi nenan nas esan, tuladang el ina-aman, pali-kakan, bata-blane, nol mi tapan nas. Mam deng one la muik in nuting lalan le hee soleng mia, didiin atuli deeh deng mia la tom in keo.

Lukas 24:45

Hidi kon, Un beles in tana, le halin nam oen nangan taan Ama Lamtua in Dula Niu ka nahin na nol baktetebes.

Dehet deng Aan in Nutus sas 2:4

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Dehet deng Aan in Nutus sas 24:25

Un kon tekas lalan elola, le atuli li bisa haup in nuil lolo, nol taon elola, le atuli li doh nal apa ka halin tao kula-sala lo. Un kon tekas noan, mam Ama Lamtua Allah le hukung atuli li totoang. Nikit gubernur Feliks ming ela kon, un lii ana lo. Hidim un tek Paulus noan, “Paulus, nol tia, pes se ni tukun tia! Eta muik dola le lam auk haman ku pait.”

Dehet deng Aan in Nutus sas 26:28

Kon nam lahing Agripa la seben Paulus in dehet ta noan, “Hoe! Paulus! Nesang lom, ku tao auk daid atuil Kristen son nia!”

Dehet deng Aan in Nutus sas 6:10

Mo Stefanus taan isi, lole un aa nini kuasa deng Ama Lamtua Koo Niu ka. Tiata oen kaen nal nol un pait lo.

Efesus 6:19

Nol nadidingun in kohe-kanas bel au deken. Nodan le Ama Lamtua Allah bel auk Un dasin na, le halin auk aa nol langa-langa deng Un Dehet-dasin na bel atuil man ming haup lo bii ngas.

Yakobus 1:5

Eta deng mia la muik in nataka noan, un taan lalan in puit deng susa-daat ta lo kam, mi musti keket se Ama Lamtua, man taan totoang sa-saa lias sa. Ta Un le lam tulu nal bel mi lalan in puti. Un man sai lalan nol dalen in kolo. Un kon komali nol mi lo, eta mi nodan se Una.