Lukas 20:6 - Buk Niu In Hida Balu nol Dehet deng Apan-kloma ki in Dadi ka

⁶ Mo kit kon bisa tek lo noan, ‘atuli li man tadu’ ta lo kam atuil nias kat baut le pasang tele kita. Ta oen parsai noan Yuhanis na mo, Ama Lamtua Allah mee-baha.”

Lukas 20:6 Iomraidhean Croise

Matius 11:9

Tiata mi nangan noan mi laok tutnaal atuil tuladang elola la? Mi nangan noan, laok nuting Ama Lamtua Allah mee-baha ke? Lam toma! Un nam mee-baah in muun dudui.

Matius 14:5

Mo Herodes dai toe muid un lo, un saap nol Herodias tuun ela. Muid in toma ka lam, Herodes kom isi le keo tele Yuhanis in Sarain Atuli ka. Mo un tiud nol atuil hut mamo kas, undeng oen parsai noan, Yuhanis nam mo Ama Lamtua Allah mee-baha. Tiata un tadu un atulin nas le laok daek tamang Yuhanis se bui dalen.

Matius 21:26

Mo kit kon bisa tek lo noan, ‘Atuli li man belen hak’, ta lo kam atuli las totoang haung keng nol kita. Undeng oen parsai noan, Yuhanis na mo, mee-baah deng Ama Lamtua Allah.”

Matius 21:46

Tiata oen koon-mali isi. Hidim oen nuting lalan le daek Una. Mo oen siin-tiud nol atuil hut mamo man parsai noan, Yesus nam Ama Lamtua Allah mee-baha ngas. Ta oen tao saa Un lo.

Matius 26:5

Mo oen tek apa noan, “Natang le! Kit daek Un nol ni deken le, ta lelo-leol tene kas maas dadani son. Ta tamlom atuil hut mamo man in kom Una ngas, haung tuku-keng nol kita la.”

Markus 12:12

Atuil tene nas tanan meman son noan, Yesus in naleta na hai bus one. Undeng oen banansila el atuil in daek klaap anggor ra ngas. Tiata oen nuting lalan le daek Una. Mo oen lii-tiud nol atuil hut mamo man kom isi le hii Yesus in tui-tikang ngas. Tiata oen lakos nang soleng Un tuun ela.

Lukas 1:76

Yuhanis! Ku niam, auk anang. Mam atuli li taan noan, ku niam mo, Ama Lamtua Allah man Lapa Dui Hihidi ka mee-baha. Mam ku laok tek atuli las, le oen sodo-sium Tuang in maa kia.

Lukas 20:5

Kon oen hulin lako-pait le aa nol apa noan, “Idaah! Kit toman son nia mo. Eta kit tek noan, ‘Ama Lamtua Allah man tadu’, kam Un siut noan, ‘Eta ela lam, tasao le mi parsai Yuhanis lo kia?’

Lukas 20:7

Hidi nam oen siut Yesus noan, “Kaim tanan lo.”

Lukas 7:30

Mo atuil deng partei agama Farisi nol atuil in taan hukung agama Yahudi ngas, dai muid Ama Lamtua Allah in koma ka lo. Tiata oen dai nodan Yuhanis le sarain oen lo.

Yuhanis 10:41

Atuli hut mamo maas nuting Una. Oen aa nol apa noan, “Yuhanis tao taad herang saa lo. Mo totoang man Un in tek deng Yesus sa baktetebes ela!”

Dehet deng Aan in Nutus sas 5:26

Ming ela kon, tulu in doh Um in Kohe-kanas sa haman un ima-ii las, le lokas laok daek Petrus nol un tapan nas pait. Mo un ima-ii las lii, undeng atuil mamo kas hii Petrus in nahdehe ka. Atuil in doha ngas nangan noan, tamlom mo atuil mamo nas haung keng nol one, hidim pasang oen nini batu. Undeng na le, oen daek ulang Petrus nol un tapan nas sa, oen brain dakes nol in dising lo.