Lukas 20:5 - Buk Niu In Hida Balu nol Dehet deng Apan-kloma ki in Dadi ka

⁵ Kon oen hulin lako-pait le aa nol apa noan, “Idaah! Kit toman son nia mo. Eta kit tek noan, ‘Ama Lamtua Allah man tadu’, kam Un siut noan, ‘Eta ela lam, tasao le mi parsai Yuhanis lo kia?’

Lukas 20:5 Iomraidhean Croise

Matius 16:7

Ming ela kon, Un ima-ii las nangan tanan lo. Mo oen tek apa noan, “Blalan na aa saa na le? Bet Un aa ela, lole kit kil ruti lo kam?”

Matius 21:25

Auk le keket elia: mi totoang taan Yuhanis In Sarain Atuli ka, ta lo? Elam, asii man belen hak le sarain atuli lia? Ama Lamtua Allah, tamlom atuli lia?” Kon nam oen nangan lako-pait le huli-bali noan, “Idah! Kit tom hkate son nia mo! Eta kit siut noan, ‘Ama Lamtua Allah man belen hak kam’, Un siut bali kit noan, ‘Eta ela lam, tasao le mi parsai Yuhanis lo kia?’

Lukas 20:4

Elia: Mi taan Yuhanis in Sarain Atuli ka, ta lo? Asii man belen kuasa le un sarain atuli lia? Ama Lamtua Allah, tam atuli lia?”

Lukas 20:6

Mo kit kon bisa tek lo noan, ‘atuli li man tadu’ ta lo kam atuil nias kat baut le pasang tele kita. Ta oen parsai noan Yuhanis na mo, Ama Lamtua Allah mee-baha.”

Yuhanis 1:30

Atuling nia ki, man lahin auk tek mian son noan, ‘Mam muik Atuli mesa, man puit maa. Un na mo uhu dui deng au, undeng Un man muik lo-lolo hmunan nu son, muna deng au’.

Yuhanis 1:34

Auk net dais nas nol auk matang beas si esa. Tiata auk tek mi noan, ‘Atuling in maa nu, Ama Lamtua Allah Ana ka!’ ”

Yuhanis 3:26

Kon oen maas se Yuhanis le tekan noan, “Ama guru nangan neta tam lo ka? Atuling man in nuting ama se palun Yordan halin nua, man ama tek noan, Un nam mo Kristus sa, kon sarain atuli! Ta muik in maa bus el kita li pait lo ka! Lole totoang atuli li taan in laok bus el Una lua sii kam!”

Yuhanis 3:36

Tiata atuil in parsai se Aan na ka, haup in nuli man hidi nutus taan lo ka. Mo atuil in parsai se Un lo, nol tao muid Un in hida ka lo ngas, haup in nuli lo, hidim Ama Lamtua Allah tulu Un in komali ka tutungus, nol hukung one.”

Dehet deng Aan in Nutus sas 13:25

Mo nikit Yuhanis in dake ka mana le hidi kon, un tek atuli las noan, ‘Mi boel nangan noan auk niam, Atuling man Ama Lamtua in hid son deng hmunan nua, le tunang maa ka deken. Nangan babanan ne! Mi musti natang se Atuling mesa, ta Un le maa. Un na mo uhu dui deng au, daid Un atulin in loka-loka tuun kon no, auk tatai lo.’