Lukas 20:17 - Buk Niu In Hida Balu nol Dehet deng Apan-kloma ki in Dadi ka

¹⁷ Yesus ngat nakekeon one, hidim keket noan, “Eta daid in hukung ela lo kam, tasao le Ama Lamtua mee-baha las dul meman son noan: ‘Muik batu mesa, man tukang ngas kat soleng son, mo halas ni baut na daid baut in tian nini hdin ina kia?’

Lukas 20:17 Iomraidhean Croise

Matius 21:42

Hidim Yesus aa nolas noan, “Bet mi les net asa man dulan son ne Ama Lamtua Allah Buk Niu ka ka lo, man noan, ‘Muik batu mesa, man tukang batu las kat soleng son, mo halas ni baut na daid baut netes, le taung in tian nini uma! Ama Lamtua Allah esa man huil baut na le todo se na. Undeng na le kit ngat net un in leko-banan isi ka!’ ”

Markus 10:23

Kon Yesus ngat pukiu, hidim tek Un ima-ii las noan, “Hii ke! Meman atuil in muki ngas sus isi in taam sorga!”

Markus 12:10

Kit totoang les net deng Ama Lamtua Allah Buk Niu ka son noan, ‘Muik batu mes man tukang ngas nikit soleng son. Mo halas nia lam, baut na daid baut in tian.

Markus 3:5

Kon nam Yesus dalen iil naseke', lole oen paiduil isi nol oen atorang nga, mo oen nang atuling man ima halin in mate ka. Un koon-mali le ngat nakekeon one. Hidim Un tek atuling nga noan, “Doong ku imam ma!” Tiata atuling na doong un ima ka, kon suknahkitu lam un ima ka banan meman.

Lukas 19:41

Oras oen lakos dadani le tamas Yerusalem, Yesus ngat net kota la, kon Un lilu,

Lukas 22:37

Ta atuil Yahudi las bali Auk el atuil daat ta. Hidim nesang lo ka kam, oen maas daek Au. Na tom nol asa man upung Yesaya in dul meman son noan: ‘Oen tao Un tuladang el atuil daat ta!’ ”

Lukas 22:61

Kon Yesus lis le ngat una. Ti Petrus nangan net Yesus in teka apin na, man noan, “Duman ni manu tukluin bii, mo ku kaen Auk lalis tiul son.”

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Yuhanis 15:25

Molam dais nias totoang dadi, le halin tao muid asa man in dul son ne Ama Lamtua Atorang nga, man noan, ‘Oen kom Auk lo. Molota oen in kom lo na, muik peke lo.’

Dehet deng Aan in Nutus sas 4:11

Yesus ni, man oen dulan meman son ne Ama Lamtua Allah Buk Niu ka noan, ‘Muik batu mesa, man tukang ngas nikit soleng son; mo halas ni baut na daid baut netes.’

Efesus 2:20

Na banansila el Ama Lamtua Allah le bangun-pii uma mesa. Un nene baut in tian laih hmunan na muna', na mo Yesus Kristus. Hidim Un bangun netes sas, nas mo Un mee-baha las nol Un atulin in nutus sas. Hidim Un toed batu las se totoang nas dapas. Baut nas mo kit totoang, man tamang daid Un atulin son nas.

Petrus mesa la 2:6

Ta dulan son ne Ama Lamtua Buk Niu ka noan, “Ngat le! Ta Auk nene baut hmunan na, ne kota Yerusalem, man oen noken noan, ‘kota Sion’. Auk man huil nal baut na son. Un osa ka muun isi taung Au. Tiata, atuil in parsai Una ngas, Mam haup in mae lo.”