Lukas 20:13 - Buk Niu In Hida Balu nol Dehet deng Apan-kloma ki in Dadi ka

¹³ Klaap lamtua ka daad le nanga-nangan noan, ‘Auk taon elol pait te? Banan dui ka, auk tadu se auk anang in hua kia. Ta taon elola ko oen todan una, nol sium un babanan.’ Tiata un tadu un ana in namnau isi ka lako se ua.

Lukas 20:13 Iomraidhean Croise

Matius 17:5

Petrus aa mamaus ela lam, suknahkitum nopen niu maa bua one. Kon oen tilus herang-herang, oen kon ming fala mes puti deng nopen na tek noan, “Hii ke! Yesus nia mo, Auk anang in namnau ka. Un tao Auk daleng ngi kolo tutungus. Hii-ming babanan se Una le!”

Matius 3:17

Kon nam oen ming haup Ama Lamtua Allah fala ka deng apan nu tek noan, “Un nia mo, Auk Anang in namnau ka. Un tao Auk daleng ngi kolo tutungus.”

Lukas 18:2

Un dehet ta elia: “Se kota mesa, muik atuil in nutus dasi mes man muid Ama Lamtua Allah lo. Un kon ngat atuil lo.

Lukas 18:4

Laih hmunan na, atuling in nutus dasi na tiu-hii bebalung na lo. Mo nesa-nesang kon, un nonos nol in hii una. Kon un daad le nangan noan, ‘Meman auk niam tiu-hii Ama Lamtua Allah lo, dudui pait atuli lia.

Lukas 20:12

Kon klaap lamtua ka tadu un ata nomer tilu la lolen le lako, mo oen diku-puang didiin un apa ka papa, hidim oen soleng puting un lako klapa la likun na.

Lukas 20:14

Mo nikit atuil in dake ngas ngat net un kon, oen tek apa noan, ‘Hoe! Mi ngat le! Ta blalan na tadu un ana ka esa, le maa lolen son nuan. Un man mam haup blalan na pusaka las totoang! Tiata maa le kit keo tele un tia! Le halin nam kit man pal klapa lia.’

Lukas 9:35

Hidim oen ming haup fala mes deng nopen na dalen tek noan, “Ni Auk Anang man Auk in huil meman son na! Un aa kam, hii babanan se Una!”

Yuhanis 1:34

Auk net dais nas nol auk matang beas si esa. Tiata auk tek mi noan, ‘Atuling in maa nu, Ama Lamtua Allah Ana ka!’ ”

Roma 8:3

Kit soba-naan le tao muid upung Musa Atorang ngas totoang kon no, na bel boa-blingin nal kit deng kula-sala ka in kuasa ka lo, undeng kit suma atuil biaas tuun. Mo Ama Lamtua man sai lalan in puti. Ta Un bel Un Ana ka esa maa le daid atuli, banansila el kita. Kit atuli li tao kula-sala mamo-mamo, mo Yesus sii man tao kula-sala net lo. In dudui pait ta, Un mate le kose soleng atuli li in kula-sala ngas.

Galatia 4:4

Mo tom nol oras sa, Ama Lamtua Allah bel Un Ana ka maa le daid atuli, le halin nam atuli li kon daid Ama Lamtua anan. Un Ana ka nuil muid atuil Yahudi las atorang agama la, le halin Un loat sao nal totoang atuil man hmunan nu butu-kil nol atorang na ngas.