Lukas 20:10 - Buk Niu In Hida Balu nol Dehet deng Apan-kloma ki in Dadi ka

¹⁰ Lius oras in nui anggor isin kon, klaap lamtua ka tadu un ata mes le laok sium un nena las, deng atuil in dake ngas. Mo atuil in dakeng nas diku-puang ata na, hidim oen nulut pait un nol kil saa lo.

Lukas 20:10 Iomraidhean Croise

Lukas 13:34

Idaah, atuil Yerusalem me! Mi man keo tele Ama Lamtua Allah mee-baha las tutungus, nol pasang tele atuil in nutus man maa le tulu lalan bel mia ngas. Auk le tao nakbuan mia nol doh mi oe-oe son, le kele-keba mi deng in daat tas, banansila el manu ina man le kabut un anan nas, se un dila ka dalen na. Mo mi dai tao lo.

Lukas 20:11

Hidi na kon, klaap lamtua ka tadu un ata kas at mes pait lako. Mo atuil in dake ngas diku-puang una, nol tao nahmaeng una. Hidim oen nulut pait nol kil saa lo.

Lukas 20:9

Hidi kon, Yesus dehet atuil hut mamo kas, kleta mes pait noan, “Atuli mes hai anggor se un klapa la. Hidim un seban lako bel atuil in daek klapa ngas, le maa liam oen bating apa klaap na in hapu ka. Mo un lako daad nesang se nusa didang.

Yuhanis 15:16

Mi huil Auk lo. Molam Auk man huil mia, nol nikit mi le lako-daek os nia. Tiata mi musti lako-daek dais banan man in tahang nal nesang ngas mamamo. Ta na banansila el anggor ina mesa, man puting isin banan tutungus sa. Eta mi tao ela lam, mi nodan asa tuun se Auk Amang ngua lam, mam Un tao bel mias.

Roma 7:4

Ela kon nol mi in parsai ngas! Kristus mate son. Na banansila el mi kon matem leo-leo nol Un son, le nang soleng mi in nuli blaan na. Hidim atorang hukung nga tom mi pait lo. Halas ni mi butu-kil nol Atorang nas lo son, le butu-kil nol Kristus, man nuli pait son deng Un in mate ka ka. Na banansila el bebalu man in saap pait ta. Muik dasi in tom una lo. Tiata halas ni totoang man mi in dake ngas, daek bel Ama Lamtua.