Lukas 2:47 - Buk Niu In Hida Balu nol Dehet deng Apan-kloma ki in Dadi ka

⁴⁷ Totoang atuil in ming Yesus sas hera-herang, undeng Un nangan taan isi baktetebes, isin deng Ama Lamtua Allah in Dula ngas. Un kon siut nal oen in ketan Una ngas nol banan.

Lukas 2:47 Iomraidhean Croise

Matius 13:54

le pait lako Un ingu-mana la. Se na, Un tama lako um in kohe-kanas sa le tui atuli las se na. Totoang atuil man hii se Una ngas, herang isi. Oen tek apa noan, “Wuih! Atuling ni in tana ki ana lo mo! Un hkolan se ol nia le? Taon elola le Un tao nal taad herang nas sia?

Matius 22:33

Ming Yesus tui ela kon, atuil Saduki las siut nal saa pait lo. Mo atuil hut mamo kas herang-herang, hidim oen tek apa noan, “Wuih, Atuling ni in tui ki muun isi!”

Matius 7:28

Yesus dehet hidi ela kon, atuli las totoang herang nol Un in tui ela ka,

Markus 1:22

Totoang atuli las ngaa-bahan nol in hii-ming Un in dehet ta, lole Un taan baktetebes in tui-tikang ngas isin na. Bakisan deng guru-guru agama Yahudi las.

Markus 11:18

Dedeng tulu agama Yahudi las tene-tenen nas, nol guru-guru agama las ming Yesus in tao ela ka, kon oen kom Un lo isi. Tiata oen mulai nuting lalan le keo tele Una. Mo oen siin-tidu, lole atuil hut mamo kas kom isi nol Yesus in tui-tikang nga.

Markus 6:2

Tom nol atuil Yahudi las leol in kohe-kanas, kon Yesus taam lako se um in kohe-kanas sa, le tui atuli. Leol na, atuil in laok kohe-kanas mamo. Dedeng oen ming Yesus in tui ngas sa, oen hera-herang le tek noan, “Atuling ni in tana ki ana lo'! Un kon muik kuasa! Tasao le Un tao nal ela lia?

Lukas 2:18

Ming atuil in lolo-poa ngas in dehet ela ka kon, oen totoang herang-herang.

Lukas 2:46

Lakos lius se uas kon, oen nuti-nuting Un didiin lelo tilu, halas-sam tutnalan se Um in Kohe-kanas Tene ka dalen. Un daad le keket-ketan nol guru-guru agama Yahudi las.

Lukas 4:22

Kon totoang atuil in se la ngas herang nol Yesus in aa ka, ta oen naka-naka Un noan, “Wuih! Asa man apin Un in aa ka, banan na le! Molota Un niam, Yusuf Ana ta lo? Taon elola le Un muun isi ela lia le?”

Lukas 4:32

Atuli las herang-herang nol Un in dehet ta, lole Un taan baktetebes in tui ka isin nas.

Yuhanis 7:15

Kon tene-tene deng atuil Yahudi las herang le tek noan, “Atuling ni hkol mamo net el kit lo. Mo tasao le Un taan dasi mamo isi eli lia?”

Yuhanis 7:46

Oen siut noan, “Idah! Muik atuli aa net banansila el Una la lo!”