Lukas 2:4 - Buk Niu In Hida Balu nol Dehet deng Apan-kloma ki in Dadi ka

^4-5 Lam dedeng na, Yusuf daad se iung Nasaret ne propinsi Galilea. Un neleng Maria, man behe son. Yusuf na mo laih Daud in hua-koet, tiata un musti pait lako laih Daud kota la, Betlehem, ne propinsi Yudea le muid sensus. Undeng na le oen duas bok lakos se kota Betlehem.

Lukas 2:4 Iomraidhean Croise

Dehet deng Apan-kloma ki in Dadi ka 35:19

Tukun nam oen puan Rahel se lalan suut man laok bus el Efrata ka, (na Betlehem).

Dehet deng Apan-kloma ki in Dadi ka 48:7

Auk tao elia, undeng auk nangan ku inam Rahel. Dedeng kaim pait deng Mesopotamiam, le lakom dale Kana'an kon, ku inam ma mate undeng in hua ana se lalan, dani nol iung Efrata, ne dale Kana'an. Dedeng na, auk daleng nga iil isi! Kon auk puan un se lalan suut in laok bus el iung Efrata ka.” (Iung na halas ni, oen ngali ngala Betlehem.)

Matius 1:20

Duman mesan na, Yusuf nini le nangan lako-pait kon, un natloa. Se in natloa na dalen, un ngat net Ama Lamtua Allah ima-ii deng sorga maa tek un elia, “Hoe Yusuf! Ku niam laih Daud in hua-koet. Ku lii-tiud in saap nol Maria deken. Ta aan in ne un tain na dalen na ka, Ama Lamtua Koo Niu ka in tao.

Matius 2:23

se ingu mesa, ngala Nasaret. Nini ela lam, Ama Lamtua Allah in teka ka dadi, muid asa man Un mee-baha la in dul meman son noan, “Mam oen noken Una lam, Atuling Nasaret ta.”

Lukas 2:3

Tiata atuli las totoang pait oen ingu-mana, le muid sensus.

Lukas 4:16

Oe mesan na, Yesus maa se iung Nasaret, na Un ingu-mana la. Tom nol atuil Yahudi las leol in Kohe-kanas sa, man oen noken noan ‘Sabat’, kon Un taam lako oen um in kohe-kanas sa banansila el in biasa ka. Hidim Un hangu dil le noan les deng Ama Lamtua Allah in Dula Niu ka.

Yuhanis 1:46

Mo Natanel siut noan, “Atuil Nasaret!? Idah! Muik tahan dais banan puit deng iung na lo!” Kon Filipus situn noan, “Hoe! Aa ela deken. Maa le ku ngat esa tukun!”

Yuhanis 7:42

Ta ne Ama Lamtua Buk Niu ka, muik in dula noan, Un nam laih Daud in hua-koet. Se maan didang kon, muik in dula noan, Un nam atuil Betlehem, na laih Daud ingu la, ta lo?”