Lukas 2:36 - Buk Niu In Hida Balu nol Dehet deng Apan-kloma ki in Dadi ka

^36-37 Se Um in Kohe-kanas Tene ka kon muik blalan bihatang mesa, ngala Hanaa. Un umur buk palu beas aat son. Un ama ka, ngala Fanuel deng ngaal Aser. Un saap hidi taun iut kon, un sapa-bikloben na mate nang una. Upung Hanaa nam mo, Ama Lamtua Allah mee-baha. Un in daek lelo-duman na, kohe-kanas nol telang se Um in Kohe-kanas Tene ka, le todan-lahing Ama Lamtua Allah.

Lukas 2:36 Iomraidhean Croise

Dehet deng Apan-kloma ki in Dadi ka 30:13

Ti Lea aa pait noan, “Haah! Halas-sam auk daleng ngi kolo. Ngat ta mam totoang bihata li tek apa noan, auk haup ulat dui hihidi.” Undeng na le, un ngali tana-ana na ngala Aser (man nahin na noan ‘dael kolo’).

Lukas 2:35

Nini ela lam, mam Ama Lamtua tek tulu-balang totoang atuli li dalen in banan-daat ta. Mo ku, Maria, mam haup in susa-daat ngele, banansila el suli in hai tama lako se ku hupum ma ka.”

Lukas 2:38

Dedeng Simeon in aa nol Yusuf duas Maria ka, blalan bihatang na maa dadani le hii one, kon un naka-naka Ama Lamtua Allah. Hidi nam, un aa deng Yesus apa ka, bel totoang atuil in nata-natang Lahing man Ama Lamtua hid son, le tunang maa halin sao puting bangsa Israel las sa.

Dehet deng Aan in Nutus sas 2:18

Tom nol lelo-leol man in mana le hidi ngas sam, Auk bel Auk Koo Niu ki lako se Auk atulin in loka-loka ngas totoang. Auk belen lako se biklobe las, nol Auk belen lako se bihata las. Le halin mam oen dehet asa man Auk in tek one ngas.

Dehet deng Aan in Nutus sas 21:9

Filipus muik ana bihata at aat. Ama Lamtua Allah pake one, le daid mee-baah taung in nahdeh deng Un in teka-teka ngas.

Korintus mesa la 11:5

Mo bihata lia lam, oras un kohe-kanas tamlom tek deng Ama Lamtua in hida ngas sam, un musti buba bon na. Ta eta ela lo kam, na banansila el un tao nahmaeng un sapa-bikloben na, undeng un tulu in todan muid kit hadat in nuil-nola ka lo. Nol un kon tao nahmaeng un apa ka esa, banansila el bihata in piu klanga ka le bon na boa ka.

Korintus mesa la 12:1

Kaka-pail in namnau me! Auk koma ka le mi nangan taan kuasa nol karunya man Ama Lamtua Koo la in bel kit le pake ka.

Timutius mesa la 3:2

Tulu in kil jemaat ta nam mo, musti atuil man in ngala ka niu. Un musti nuil niu nol sapa mes sii. Un musti hepa-hail taan apa ka, komali hlapat lo, atuli todan una, kom in sai un hnita ka le sium atuli, nol tui nal atuil didang.

Timutius mesa la 5:9

Eta le nikit bebalu mes halin daek hulung tulu in kil jemaat tas sam, un atoran na elia: bebalu na umur ra dale dui deng taun buk eneng lo; hmunan nu un nuil nol biklobe mes sii;

Apan-kloma Hnika Balu 7:6

ngaal Aser ra, atuli 12.000; ngaal Naftali ka, atuli 12.000; ngaal Manase ka, atuli 12.000;