Lukas 2:34 - Buk Niu In Hida Balu nol Dehet deng Apan-kloma ki in Dadi ka

³⁴ Hidi nam, Simeon aa le bel oen hangun. Un kon tek Maria noan, “Yesus mama! Mam atuli hut mamo se Israel hutun soleng maam Ana kia. Mo oen in tao saol Una ka, mam tom bali one. Maam Ana ki kon, tao atuli hut mamo dalen kolo.

Lukas 2:34 Iomraidhean Croise

Dehet deng Apan-kloma ki in Dadi ka 14:19

Hidi kon un aa le bel hangun se Abram noan, “Nang le Ama Lamtua Allah in Lapa Dui Hihidi, man koet apan-dapa ku nol apan-kloma kia ka, bel ku hangun. Naka-halit Ama Lamtua Allah, man hulung ku son, le ku nal deng ku musu las.” Hidi na kon, Abram bating bel Melkisedek op mes deng op hngulu, deng totoang sa-saa man un in nuhu-dau nal pait son nas.

Dehet deng Apan-kloma ki in Dadi ka 47:7

Hidi nam, Yusuf kil nol un ama ka laok tulu se lahing nga kon. Lius se luas kon, Yakob kohe-kanas le nodan Ama Lamtua Allah bel hangun se lahing nga.

Matius 11:19

Mo halas ni, Au, Atuling Baktetebes nia, maang son. Auk telang lo, nol Auk niun anggor. Ta atuli las noken Auk noan, ‘Un nam atuil in kom naseke! Mauh daat isi! Un laok nakbuan nol atuil in sium bea ngas! Buan nol atuil in tom lo ngas! Taan apa ka loo!’ Mo mi taad Auk in aa nia le! Ama Lamtua in tana ka, ngat tanan se Un atulin nas in nuli ka.”

Matius 12:46

Dedeng na, Yesus dehet mamaus nol atuil hut mamo kas sam, Un ina ka nol Un palin nas maas le noan tutnaal nol Una. Oen dil tuun se likun na, le tadu atuli laok haman Yesus.

Matius 21:44

[Auk tek mi nahlolool tuun. Auk niam, baut netes sa. Atuil man nahi tom baut na ka, mam dudu-dudus. Nol eta baut na nahi tom atuli lam, atuling na kon dudu-dudus.]”

Matius 27:63

Oen tekan noan, “Ama gubernur, kaim nangan net dedeng atuling in nole-lilung daat na, nuli nabale la, Un aa noan, ‘Meman Auk mateng, mo hidi lelo tilu lam, Auk nuling pait.’

Lukas 2:35

Nini ela lam, mam Ama Lamtua tek tulu-balang totoang atuli li dalen in banan-daat ta. Mo ku, Maria, mam haup in susa-daat ngele, banansila el suli in hai tama lako se ku hupum ma ka.”

Yuhanis 3:20

Ta totoang atuil man daek sa-saa banan lo ngas, kom langa na lo. Oen kom langa na in kaloe se one lo, lole langa na kolong lulit oen in daek dadaat tas sam.

Yuhanis 5:18

Muid atuil Yahudi las tene-tenen nas in nangan nam, Yesus kaliut oen atorang leol teen in dake ka. Tiata oen nuting lalan mumuun dui pait, le halin keo tele Una, undeng Un in tek noan, Un Ama ka mo Ama Lamtua Allah ka. Ta Un in aa ela na, Un nikit Un apa ka banansila el Ama Lamtua na.

Dehet deng Aan in Nutus sas 13:45

Mo nikit atuil Yahudi las ngat net atuil hut mamo nas maas nakbua, le hii Paulus in nahdehe ka kon, oen idus isi. Tiata nikit Paulus nahdeh kon, oen labang una nol aa le kiu nahu una.

Dehet deng Aan in Nutus sas 17:6

Mo oen haup Paulus nol Silas se las lo. Ta oen kil lai-niin Yason nol atuil in parsai teng lakos se maan in nehan dasi ka. Oen tudu Yason nol un tapan nas noan, “Halas ni muik atuil balu maa ne kit kota li son. Oen lakos se olas tukun kon, oen tao lobo-lau se na. Oen maas le tao didaan kit atorang ngia, le seda nini oen atorang nga! Mo Yason sium atuil nias, le daad tahang se un uma! Oen totoang labang nol kit atorang ngi son, nol dai todan se kit lahin tene Kaiser ra lo. Oen suma todan se oen tuang tene mesa, ngala Yesus.”

Dehet deng Aan in Nutus sas 24:5

Eli ama. Taung kaim atuil Yahudi lia lam, Paulus niam banansila el ili mesa, man muik se mana mesa laok mana mesa. Taom un labang kaim agama lia, nol tao didaan kaim hadat ti se ola-ola. Un lako se ola tuun kon, taon elola ko atuil Yahudi las tao dais nol apa mes nol mesa. Un niam, mee-baah deng partei agama, man muid atuli mes deng Nasaret, man kaim noken noan ‘partei Nasarani’. Mo asa man oen in tui ka, kula isi nol agama man kaim in tui kia.

Dehet deng Aan in Nutus sas 28:22

Mo kaim kom in hii asa man kaka in parsai ka, undeng kaim ming son se ola-ol noan, atuli las hutun soleng asa man partei Kristen na in tui ngas. Mo in toma ka elola lam, kaim tanan lo bii. Tiata kaka dehet bel kamin le.”

Dehet deng Aan in Nutus sas 4:26

Lahi-laih man in se apan-kloma ki ngias nakbua, le hote-dait labang nol Ama Lamtua; nol tulu-tulu ngas koo mesa, le lakos labang Ama Lamtua Allah nol Kristus, Atuling man Ama Lamtua tulu meman son deng hmunan nua ka.’

Dehet deng Aan in Nutus sas 6:7

Ama Lamtua in Teka-teka ngas kon holhising lako pes se ola-ola. Nol atuil man in muid Yesus Lalan in Nuli se Yerusalem mas mamo keko lako. Hidim muik tulu agama Yahudi mamo kon, man tamas daid Lamtua Yesus atulin.

Roma 9:32

Tasao le oen haup in babanan nol Ama Lamtua lo kia? Undeng oen suma le daek muid Atorang ngas, halin Un sium oen el atuil in dalen lolo ka, mo oen parsai se Yesus Kristus lo. Hidim na hnika ka el oen tunun tom se “baut in tunun” mesa. Ni man Ama Lamtua hid pesang son ne Un Buk Niu ka noan, “Ngat maa eli le! Ta Auk tapa Atuli mes son se leten Sion, ne kota Yerusalem. Atuling na banansila el batu mesa, man tao atuli li le tunun. Mo asii man parsai se Una lam, mae deken.” Baut na ka, mo Yesus. Mo atuil Israel las hutun soleng Una. Na banansila el oen tunun, hidim oen leas undeng baut na.

Korintus mesa la 1:23

Ela kon no, kit man daid Ama Lamtua atulin in nutus sias, musti laok tek atuli li noan, “Ama Lamtua bel Kristus son, na Atuling man Un hid meman deng lolo hmunan nu le belen maa ka. Mo atuli li pauk tele Un se kai sangsuli lua.” Nikit atuil Yahudi las ming dehet na kon, oen komali nol sium lo. Ta muid oen in nangan na lam, Atuling man Ama Lamtua in le belen maa ka, haup in mate lo. Oras atuil Yunani las ming dehet na ka, oen nangan noan, “Na dehet in ngengo dudui!”

Ibrani 7:1

Hmunan nu, Melkisedek daid laih se kota Salem. Un kon tulu agama taung atuil in todan-lahing se Ama Lamtua Allah in Lapa Dudui ka. Un ngala ka nahin na noan, “Lahing Dael Lolo”. Nol Laih Salem ma nahin na noan, “Laih Dame”. Muik in taan Melkisedek nam in hua-koet deng asii ka lo. Muik atuli in taan un ama ka, un ina ka, nol un upu kia-kaon nas lo. Muik in taan dehet deng hua un blinga, tamlom un mate blingan na lo. Atuli li suma taan tuun noan, un nam mo laih deng kota Salem, nol tulu agama bel Ama Lamtua Allah. Mo un kon banansila el Ama Lamtua Allah Ana ka, undeng un kon tulu agama man in lako-daek un osa la tutungus. Oe mesan na, lahi ila lo maas nonool oen tentara las, le nuhu-dau upung Abraham tapan nas sa-saa las. Kon upung Abraham leo-leo nol un tapan nas laok hote-dait nolas, didiin oen tao tehen lahi-laih nas. Hidim upung Abraham nol un tapan nas kat pait totoang sa-saa nas. Nikit upung Abraham pait kon, Melkisedek puti deng kota Salem le laok sodo-sium una. Hidim un aa le bel upung Abraham hangun noan, “Nang le Ama Lamtua Allah in Lapa Dudui ka, bel hangun se ku.” Hidi na kon, upung Abraham bating bel Melkisedek op mes deng op hngulu, deng totoang sa-saa man un in nuhu-dau nal pait son nas. Un tao ela, undeng Melkisedek na mo, tulu agama deng Ama Lamtua Allah in Lapa Dudui ka.

Ibrani 7:7

Ni man daid tada noan, Melkisedek nam, atuil tene. Undeng atuil in aa le bel hangun na, taon elola ko tene dui deng atuling in sium hangun na.

Petrus mesa la 4:14

Eta atuli las aa le tao nahmaeng mia, undeng mi in butu-kil nol Kristus sa lam, mi ontong, undeng Ama Lamtua Allah Koo la in muun-tes sa muik ne mia.