Lukas 2:32 - Buk Niu In Hida Balu nol Dehet deng Apan-kloma ki in Dadi ka

³² Mam Un banansila el langa in kaloe', man kil in todan bel Ama Lamtua bangsan Israel las. Un kon banansila el langa, man tulu Ama Lamtua lalan na bel totoang bangsa didang ngas sa.”

Lukas 2:32 Iomraidhean Croise

Matius 4:16

Oen nulis ne mitang dalen, mo halas ni oen net Langa ka son. Lole Langa ka kaloe son, bel totoang atuil man taan Ama Lamtua Allah lo bii ngas.”

Lukas 2:10

Mo ima-ii na tekas noan, “Mi lii deken, le hii babanan ne! Ta auk maa le tek mi deng dais banan mesa. Totoang atuil in ming haup dais ni ngias, taon elola ko dalen kolo.

Lukas 2:31

Ama Lamtua pake Tana-ana nia, le bel boa-blingin bangsa-bangsa lias totoang.

Dehet deng Aan in Nutus sas 26:23

Oen tui deng Kristus, Atuling man Ama Lamtua Allah hid son le tunang maa ka, noan, Un musti lepa-haal susa-daat, didiin Un mate, mo hidi nam Un man daid atuil hmunan, man Ama Lamtua Allah belen nuli pait. Mam Un laang bel atuil in deng bangsa Yahudi ngias, nol bangsa-bangsa didang in se apan-kloma kia ngas, lalan in laok bus el Ama Lamtua Allah lua ka.”

Dehet deng Aan in Nutus sas 28:28

Hidim Paulus hep un in dehet ta noan, “Elia pali-kaka me! Mi musti tana noan, halas ni Ama Lamtua Allah tade, le bel boa-blingin bangsa-bangsa man Yahudi lo kas kon, undeng oen tade le hii-ming se Un son.”

Korintus mesa la 1:31

Na banansila el in dul son ne Ama Lamtua Buk Niu ka noan, “Asii man kom in naka kam, banan dui ka un nikit in naka taung kit Lamtuan na in dakeng ngas tukun. Mo naka-naka oen apan nas esan deken!”

Apan-kloma Hnika Balu 21:23

Kota na kon nuting lelo nol bulan le laang un lo, undeng Ama Lamtua Allah kaloen na man bel langa se na. Nol Lae-blai Ana ka daid el hadut in kaloe ka.