Lukas 2:27 - Buk Niu In Hida Balu nol Dehet deng Apan-kloma ki in Dadi ka

²⁷ Leol na, Ama Lamtua Koo Niu ka pel nol Simeon lako Um in Kohe-kanas Tene ka, tom nol Yesus ina-aman nas in kil nol Un lako se la, le sao daid Ama Lamtua nena ka.

Lukas 2:27 Iomraidhean Croise

Matius 4:1

Hidi na kon, Ama Lamtua Allah Koo Niu ka kil nol Yesus lako se maan in ete tuun mesa, le halin uikjale kas laih tuan na sob Una.

Lukas 2:22

Muik atorang mes deng upung Musa, man tek noan, bihaat man hua hidi nal lelo buk aat ta, musti laok tao muid hadat in hiti-lingin, le tao niu apan se Um in Kohe-kanas Tene ka. Nini ela lam, oen boel in taam se Um in Kohe-kanas sa pait, el in biasa ka. Tiata Yusuf nol Maria lakos kota Yerusalem, le tao muid hadat na. Kon oen kil nol Yesus, man ana blutu mea nabale, lako se Um in Kohe-kanas Tene ka dalen, le sao Un daid Ama Lamtua nena.

Lukas 2:28

Ngat net Tana-ana na kon, ama Simeon simun le kokon, hidim un naka Ama Lamtua Allah, le tek noan,

Lukas 2:41

Taun-taun nam, Yusuf nol Maria lakos kota Yerusalem, le muid fesat Paska se las.

Lukas 2:48

Net ela kon, Un ina-aman nas nahkitu nol herang. Hidim Un ina ka tek noan, “Yesus! Tasao le Ku tao sus kaim eli lia? Auk nol Ku amam mi net lalan lo nol kaim nangan Ku isi, hidim kaim lako-pait pukiu le nuting Ku!”

Lukas 2:51

Hidi nam oen tilus pait lakos Nasaret. Yesus muid Un mama nol papa in prenta ngas. Kon Un mama pesang dais nas totoang se un dalen na.

Lukas 4:1

Nikit Yuhanis sarain hidi Yesus kon, Yesus lako nang palun Yordan. Ama Lamtua Koo Niu ka leo-leo nol Una. Hidim Koo Niu ka kil nol Un lako se maan in ete tuun mesa.

Dehet deng Aan in Nutus sas 10:19

Dedeng na lam Petrus nangan un in natloa ka nahin na nabale, mo Ama Lamtua Koo Niu ka tek un noan, “Hoe Petrus! Muik atuil ne dale kua, oen maa nuting ku.

Dehet deng Aan in Nutus sas 11:12

Kon Ama Lamtua Koo Niu ka tek auk noan, ‘Ku niu, le laok muid atuil nias tia. Lii-tiud deken. Oen atuil Yahudi lo, mo ku nikis oen le nangan noan oen nam atuil hmomos deken.’ Auk ming hidi ela kon, kit pail-kakan at eneng nias leo-leo nol auk lakong Kaisareang. Lius se uang kon, kaim totoang taam lakong se komendan tentara Roma mes uma.

Dehet deng Aan in Nutus sas 16:7

Kon nam oen lakos lius se mana mesa, dadani nol propinsi Misia toon na son, mo oen lakos napiut se las lo. Oen le soba-naan taam lakos propinsi Bitinia, molam Lamtua Yesus Koo la kaing oen pait, le laok se maan na deken.

Dehet deng Aan in Nutus sas 8:29

Kon nam Ama Lamtua Koo Niu ka lok Filipus, halin laok dadani nol kereta na, le tutnaal atuling na.

Galatia 4:4

Mo tom nol oras sa, Ama Lamtua Allah bel Un Ana ka maa le daid atuli, le halin nam atuli li kon daid Ama Lamtua anan. Un Ana ka nuil muid atuil Yahudi las atorang agama la, le halin Un loat sao nal totoang atuil man hmunan nu butu-kil nol atorang na ngas.

Apan-kloma Hnika Balu 1:10

Ela kon oe mesan na, se nol leol in kohe-kanas, auk tom Ama Lamtua Allah Koo Niu ka. Nahkitu lam, auk ming fala mes aa mumuun se auk klupung nga. Un lin na banansila el klingu ka.

Apan-kloma Hnika Balu 17:3

Hidi nam, auk tom Ama Lamtua Allah Koo Niu ka, kon ima-ii in deng sorga na nikit nol auk lakong se maan in ete tuun mesa. Se na, auk ngat net bihatang mes daad se hmukit in tao tele dadahut mes dapa, man bulu ka mea kaloe'. Hmukit na muik bon itu, nol sulu hngulu. Se un apa ka papmesa, dul dasi-dais man in bilu-aa Ama Lamtua Allah.