Lukas 2:21 - Buk Niu In Hida Balu nol Dehet deng Apan-kloma ki in Dadi ka

²¹ Hua hidi Tana-ana na lelo palu lam, oen sunat muid upung Musa atorang nga. Kon Un ina-aman nas ngali, ‘Yesus’. Ngaal na ka, ngaal man ima-ii in deng sorga ka in tek oen son, se oras Un ina ka in beeh Un lo bii ka.

Lukas 2:21 Iomraidhean Croise

Matius 1:21

Mam Maria hua tana-ana biklobe mesa. Hidim ku musti ngali Un ngala ka, Yesus, ta mam Un man bel boa-blingin Ama Lamtua Allah atulin nas deng oen in kula-sala ngas.”

Matius 1:25

mo un niin nakbua nolan banansila el atuil in saap son na lo, didiin Maria hua hidi Tana-ana ka. Maria hua hidi Tana-ana na kon, Yusuf ngali ngala, Yesus.

Matius 3:15

Mo Yesus situn noan, “Sa-saa lo. Se dedeng nia lam, nang le kaka man sarain Au. Nini ela lam, kit daek muid Ama Lamtua Allah in koma ka.” Ming ela kon Yuhanis siut noan, “Muid se Tuang tuun.” Hidi kon un sarain Yesus.

Lukas 1:31

Nesang lo ka kam, ku behe, hidim ku hua tana-ana biklobeng mesa. Ku musti ngali Un ngala ka, Yesus.

Lukas 1:59

Nikit tana-ana na umur lelo paul kon, oen sunat un muid atuil Yahudi las atorang nga. Hidim oen le ngali tana-ana na, Sakarias muid un ama ka ngala ka.

Filipi 2:8

Suma daid atuil ana tuun lo, mo Un tao apa ka daid atuil ahu-dale, le daek muid Ama Lamtua Allah in koma ka. Atuli li pauk tele Un se kai sangsuli lu dapa kon no, Un sium tuun, nol mate, banansila el noan, Un nam atuil daat.