Lukas 2:14 - Buk Niu In Hida Balu nol Dehet deng Apan-kloma ki in Dadi ka

¹⁴ “Kaim nikit sakeng Ama Lamtua Allah ngala ka lapa-lapa! Un man daad le kil bandu se apan man lapa dui hihidi kua. Ama Lamtua Allah le tao daem atuli-atuil in se dale-dapang nias, man tao Un dalen kolo ngas!”

Lukas 2:14 Iomraidhean Croise

Matius 21:9

Muik atuli teng pait lakos muna Yesus se hmunan, nol tenga las pait muid deng klupu. Le oen leo-leo nakaa kleba-kleba noan, “Hosana! Kaim naka-naka Ama Lamtua Allah! Undeng Daud in hua-koet ta maa lius son! Hosana! Kaim naka-naka Ama Lamtua Allah! Undeng Ama Lamtua nutus Atuling ni le maa son. Hosana! Kaim naka-naka Ama Lamtua Allah! Man daad le kil bandu meman son, ne apan man lapa dudui kua!”

Lukas 19:38

Oen leo-leo naka-naka noan, “Un niam, Lahing man Ama Lamtua Allah in nutus maa ka! Ama Lamtua Allah bel hangun se Una! Halas nia, atuli li haup in mole-daem nol Ama Lamtua se sorga son. Naka Ama Lamtua man daad le kil prenta ne apan-dapa man lapa dudui kua.”

Lukas 2:13

Un tek hidi ela kon, nahkitu lam Ama Lamtua Allah ima-ii deng sorga mamo isi maas le nakbuan nol una. Hidim oen naka Ama Lamtua nini in tao dani noan,

Lukas 2:15

Hidi nam, Ama Lamtua ima-ii las pait lakos sorgas. Kon atuil in lolo-poa ngas tek apa noan, “Hoe! Maa le kit laok Betlehem, le tinang tana-ana mea na le! Ta Ama Lamtua tek kit dehet na son nan.”

Lukas 3:22

Kon nam Ama Lamtua Allah Koo Niu ka niu maa se Una. Koo Niu na tuladang el korkifi ka. Hidim muik fala mes deng apan nu tek noan, “Ku niam, Auk Anang in namnau ka. Ku tao Auk daleng ngi kolo tutungus.”

Yuhanis 14:27

Mam etan Auk lakong son nam, Auk tao mi dalen nas le halin mi nuil titu-tema nol dame. Suma Auk siing man bel nal mi dalen nas, titu-tema tuladang ela. Ta totoang in muik ne apan-kloma ki ngias, tao nal mi dalen nas le titu-tema ela lo. Tiata nang le halin nam mi nangan isi deken, nol lii deken.

Yuhanis 17:4

Auk tulu-balang Paap in muun-tes sa se apan-kloma ki son. Auk kon lako-daek hidi os man Paap in bel Au ka son.

Yuhanis 3:16

Undeng Ama Lamtua Allah namnau totoang atuil in ne apan-kloma ki ngias isi. Tiata Un nutus Au, Un Ana Baun siing ngi maa se apan-kloma kia, le halin totoang atuil in parsai se Au ngas, haup in nuli man hidi nutus taan lo ka, mo atuil in parsai se Auk lo ngas haup in mate hidi nutus taan lo.

Dehet deng Aan in Nutus sas 10:36

Ta mi taan dehet man Ama Lamtua in tek kaim bangsa Israel lia ka son. Dehet na lin na noan, Un bel Kristus maa son, na Yesus. Hidim Yesus na, man mate le mole-daem atuli li nol Ama Lamtua. Un kon daid Lamtua taung atuli li totoang.

Roma 5:1

Undeng kit in parsai se Ama Lamtua Allah ka, tiata Un noken kit noan, atuil in dalen lolo. Hidim kit dalen nias daid niu son bel Ama Lamtua, undeng kit Lamtuan Yesus Kristus, man Ama Lamtua tunang maa son na, sai lalan le halin kit haup in daem nol Una.

Efesus 1:6

Kit haup in nuil butu-kil nol Un Ana in neka-namnau ka son, undeng Un tulu Un dalen banan na bel kita. Tiata kit naka-nahalit Una.

Efesus 1:9

Hmunan nu, Ama Lamtua Allah tek atuli li Un in koma ka totoang lo bii. Mo halas ni, Un tao kit taan son noan, lolo hmunan nu Un nutus son, le nini Yesus Kristus halin tao atuli li daem nol Ama Lamtua Allah.

Efesus 2:4

nol bali kit banansila el atuil in maet son, man bakisan katang deng Una. Mo ela kon no, Un kasiang kita, undeng Un namnau kit isi. Un tulu Un dalen banan na, nini in tunang Yesus Kristus maa, le bel kit in nuli balu. Tiata kit haup boa-blingin, undeng Ama Lamtua dalen in banan na.

Efesus 2:7

Undeng kit parsai se Yesus Kristus, tiata Ama Lamtua tulu Un in namnau ka nol Un dalen banan man in muun isi ka bel kita, deng halas nia, didiin hidi nutus taan lo.

Filipi 2:11

Nol mam totoang atuli li hao noan, “Yesus Kristus nam, Lamtua baktetebes!” Nini ela lam, oen kon naka-naka Ama Lamtua Allah.

Filipi 2:13

Undeng Ama Lamtua Allah esa man daek ne mi dalen nas. Un man sai lalan le mi hii-ming se Una. Nol Un man bel kuasa le mi tade in dake, halin tao Un dalen kolo.

Kolose 1:20

Ama Lamtua Allah nini Yesus Kristus, le mole-daem nol totoang man Un in koet son nas. Un bel Un Ana ka, le halin daid in sui-nahat, nol Un dala ka baa, didiin mate se kai sangsuli lua, le halin totoang in se apan-dapa kua ngas, nol totoang in se apan-kloma kia ngas, haup in mole-dame pait nol Ama Lamtua Allah.

Tesalonika dua la 2:16

Kaim kohe-kanas tutungus se Ama Lamtua Allah, kit Aman na, nol Yesus Kristus, kit Lamtuan na. Kaim nodan le Un tao tes mi dalen nas, le halin nam mi daek nal totoang in banan nas. Kaim nodan ela, undeng kaim tana noan, Ama Lamtua neka-namnau kit totoang. Undeng Un dalen banan na, tiata Un bel teken kit dalen nias tutungus. Nini ela lam, kit nahlae napiut se Una.

Apan-kloma Hnika Balu 5:13

Hidi nam, auk ming dain didang mes pait. Deng totoang in nuli, se sorga, tam se apan nua, tam se apan-kloma kia, nol in se tasi dalen nuas kon, totoang nikit falan le tao dani. Atuil in ne maan hmate ku nguas kon, tao dain mudi. Oen totoang leo-leo tao dain noan, “Kaim naka Ama Lamtua Allah man daad ne del in prenta ka. Kaim kon nikit sakeng Lae-blai Ana ni ngala ka lapa-lapa. Kaim todan-lahing One. Undeng Oen man kil prenta hidi nutus taan lo! Nol Oen in kuasa ka hidi nutus taan lo!”