Lukas 2:13 - Buk Niu In Hida Balu nol Dehet deng Apan-kloma ki in Dadi ka

¹³ Un tek hidi ela kon, nahkitu lam Ama Lamtua Allah ima-ii deng sorga mamo isi maas le nakbuan nol una. Hidim oen naka Ama Lamtua nini in tao dani noan,

Lukas 2:13 Iomraidhean Croise

Dehet deng Apan-kloma ki in Dadi ka 28:12

Duman na, un natloa noan un ngat net elan mes dil se dale kia, nol un tula ka lako pes se apan nua. Hidim Ama Lamtua Allah ima-ii in deng sorga nguas niu-saek se elan na.

Lukas 15:10

Se sorga kon ela. Eta atuil kula mes pesang le pait muid Ama Lamtua lam, totoang ima-ii in ne sorga nguas dalen kolo isi.”

Lukas 2:12

Mam mi in taan Una ka elia: mi tutnaal tana-ana blutu mea mesa, man losen nini kitu. Un nini ne hmukit tas poo ka dalen.”

Lukas 2:14

“Kaim nikit sakeng Ama Lamtua Allah ngala ka lapa-lapa! Un man daad le kil bandu se apan man lapa dui hihidi kua. Ama Lamtua Allah le tao daem atuli-atuil in se dale-dapang nias, man tao Un dalen kolo ngas!”

Efesus 3:10

Lole Un in nangan na nam, taan isi. Nol Un le pake Un atulin nas le tulu Un in tana ka, bel totoang in kuasa nol totoang man in kil prenta se apan-dapa kua ngas.

Timutius mesa la 3:16

Hmunan nu muik dasi mes muun isi deng kit in parsai ka buni nabale, mo halas ni Ama Lamtua tek puting dais na son. Na ka: Kristus maa se apan-kloma ki son, nini atuli li hnika-tuladang. Ama Lamtua Koo la kon tulu bel noan, Yesus nam mo, Atuil in dalen lolo. Nol Ama Lamtua ima-ii in ne sorga nguas kon, ngat net Una. Ama Lamtua Allah nikit Un lako ne sorga son, hidim nikit sakeng Un ngala ka lapa-lapa. Un dehet ta holhising didiin lako papmes apan-kloma ki son. Se ola-ola, se apan-kloma kia, atuli li parsai Un son. Kit in parsai ka ela!

Ibrani 1:14

Mo Un ima-ii las meman muik nahin dui. Lole Un man nutus one, le laok urus totoang atuil man mam Un beles boa-blingin deng oen in kula-sala ngas. Mo ela kon no, Ama Lamtua Allah Ana ka, muun dui deng oen totoang nabale.

Petrus mesa la 1:12

Mo Kristus Koo Niu ka tekas noan, oen man net dais nias lo, molam mi man net dais nias. Undeng na, le halas ni mi kon ming deng dais nias, ta Ama Lamtua Koo Niu in deng sorga ka lok atuil didang son, le laok tek Ama Lamtua Dehet Dais Banan na bel mia. Molota, Ama Lamtua ima-ii in deng sorga nguas kom isi, le ngat net dais nias kon.

Apan-kloma Hnika Balu 5:11

Hidi kon, auk botas bong ngia lam auk ming fala muun deng hmukit 4 in muun ising nas nol tulu 24 tas, taplaeng nol Ama Lamtua ima-ii mamo isi deng sorga. Ima-ii nas mamon na juta-juta.