Lukas 2:10 - Buk Niu In Hida Balu nol Dehet deng Apan-kloma ki in Dadi ka

¹⁰ Mo ima-ii na tekas noan, “Mi lii deken, le hii babanan ne! Ta auk maa le tek mi deng dais banan mesa. Totoang atuil in ming haup dais ni ngias, taon elola ko dalen kolo.

Lukas 2:10 Iomraidhean Croise

Dehet deng Apan-kloma ki in Dadi ka 12:3

Mam Auk bel hangun se atuli-atuil man in bel ku hangun nas. Mo Auk bahang atuil man in bahang ku ngas. Hii babanan ne! Mam totoang bangsa in se apan-kloma ki ngias haup hangun, undeng ku.”

Matius 14:27

Mo Yesus tekas noan, “Lii deken! Ta ni Au, Yesus!”

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Matius 28:5

Kon ima-ii in deng sorga na tek bihata las noan, “Mi lii deken! Auk tana le mi maa nuting Yesus, Atuling man oen in pauk tele son, se kai sangsuli lu dapa ka.

Markus 1:15

Un tek noan, “Hii ke! Halas ni Ama Lamtua Allah oras sa maa lius son! Totoang atuli li halas ni tana noan, Ama Lamtua Allah man kil prenta. Tiata mi musti tenem tia, deng mi in nole-lilung daat ta, le bali muid se Ama Lamtua. Hidim parsai se Un Dehet Dais Banan na!”

Markus 16:15

Tiata, mi musti laok papmes apan-kloma ki le tek atuli las totoang deng Auk Dehet Dais Banan ni tia.

Lukas 1:13

Mo ima-ii in deng sorga ka tekan noan, “Sakarias! Lii deken ne! Ta Ama Lamtua Allah ming ku in kohe-kanas sa son. Ta mam ku sapam ma hua bel ku tana-ana biklobe mesa. Ku musti ngali un ngala ka, Yuhanis.

Lukas 1:19

Kon nam ima-ii na siut noan, “Auk niam Gabriel, Ama Lamtua Allah atulin in loka-tadu ka. Un esa man lok auk le maa tek dais banan ni bel ku.

Lukas 1:30

Kon nam ima-ii na tek napiut noan, “Maria! Lii deken! Ta Ama Lamtua Allah kom le tulu bel ku Un dalen banan na.

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Lukas 24:47

Tiata halas ni Auk bel mi kuasa, le kil Dehet Dais Banan ni bel totoang bangsa-bangsa lias, mulai deng Yerusalem. Tek oen noan, atuil in hao un in kula-sala ngas, le pait lako el Ama Lamtua ka, mam Ama Lamtua kose soleng un in kula-sala ngas totoang.

Lukas 8:1

Nesang isi lo kon, Yesus nol Un ima-ii at hngul dua kas laok papmes kota-kota, nol ingu-iung in se la ngas. Un laok tek atuli las deng Ama Lamtua Allah in prenta ka. Na daid dehet banan taung one.

Dehet deng Aan in Nutus sas 13:32

Paulus nahdeh napiut noan, “Eta elam, elia: kaim duam Barnabas maang deng maan katang le tek mia, halin nam mi tana noan, Dehet Dais Banan man Ama Lamtua in hid son nol kit upu kia-kaon nas sa, halas ni dadi son. Ama Lamtua bel Yesus le nuli pait son deng Un in mate ka. Ne Buk in Naka-nahalit ta peke dua la, Ama Lamtua pake atuil le dul deng Yesus, Atuling man Un in hid son le tunang maa ka, noan, ‘Ku niam, Auk Anang. Leol neot ni, Auk nikit Ku le kil bandu.’

Roma 10:15

Nol taon elol le oen laok tek atuli, eta muik atuli in nutus oen ela lo ka? Tiata musti muik atuli in laok tek one. Ta ne in Dula Niu ka muik dulan noan, “Eta atuli kil nol dehet banan na maa kam, oen in maa ka, banan isi!”

Efesus 3:8

Deng Ama Lamtua Allah atulin nas totoang, auk niam atuil ana dui. Mo ela kon no, Ama Lamtua huil auk le lako-daek Un os man in muun isi nia. Un in koma ka le, auk tek atuil Yahudi lo kas, deng Kristus dalen in banan isi, man atuli li in nangan hapun lo ka.

Kolose 1:23

Tiata, mi musti tahang napiut se mi in parsai ka. Parsai dididi le heheon deken! Boel hoen-nodat deng Dehet Dais Banan na deken, man mi simun nol ming son se hmunan nua ka. Atuli li laok tek Dehet Dais Banan na son se ola-ola se apan-kloma kia. Nol Ama Lamtua nutus au, Paulus, le auk laok tek Dehet Dais Banan na kon.