Lukas 2:1 - Buk Niu In Hida Balu nol Dehet deng Apan-kloma ki in Dadi ka

^1-2 Dedeng Kirenius daid gubernur se Siria, lahing tuan Agustus sa puting prenta mes elia, “Totoang atuil man hutu-atan deng pamarenta Roma la in kuasa ngas, musti pait oen ingu-mana las le muid in sensus!” Pamarenta Roma la in kaih un hutu-atan nas laih hmunan na ka, na.

Lukas 2:1 Iomraidhean Croise

Matius 22:17

Tiata kaim le keket dasi mesa. Muid kit atuil Yahudi li atorang agama la lam, kit musti baen bea bel pamarenta Roma la laih tuan na, tam lo ka?”

Matius 24:14

Ta atuli li musti bani-bating Ama Lamtua Allah Dehet Dasin Banan na, lako papmes apan-kloma ki suut-suut tas, le halin totoang atuli li taan haup Ama Lamtua lalan in nuli banan na muna le. Halas-sam leol kiamat ta maa.”

Markus 14:9

Nangan babanan! Ta mam Ama Lamtua Allah Dehet Dais Banan na holhising se ola-ola tuun papmes apan-kloma kia lam, oen kon dehet deng bihatang ni in banan na, le halin atuli li totoang nangan net una.”

Markus 16:15

Tiata, mi musti laok papmes apan-kloma ki le tek atuli las totoang deng Auk Dehet Dais Banan ni tia.

Lukas 2:3

Tiata atuli las totoang pait oen ingu-mana, le muid sensus.

Lukas 3:1

Dedeng na Tiberius daid kaiser le kil bandu se Roma taun hngul lima son. Pontius Pilatus daid gubernur se propinsi Yudea. Herodes daid gubernur se propinsi Galilea. Herodes kaka Filipus, daid gubernur se propinsi Iturea nol propinsi Trakonitis. Nol Lisanias daid gubernur se propinsi Abilene. Hanas nol Kayafas kon daid tuang tene deng tulu agama Yahudi las se kota Yerusalem. Lam oras na, Yuhanis, Sakarias ana ka, daad se maan in ete tuun katang nol ingu las. Se na, Ama Lamtua Allah bel Un in hida ngas se Yuhanis.

Dehet deng Aan in Nutus sas 11:28

Deng mee-baah nas, muik at mes ngala Agabus. Ama Lamtua Koo la tek una, le halin tek atuli las noan, “Lako-lako lam muik oras lubu tuan, se papmes apan-kloma kia.” Tiata un laok tek atuli las ela. (Un in teka na daid baktebes, se dedeng laih tene Kaiser deng Roma man ngaal Klaudius sa in kil prenta ka.)

Dehet deng Aan in Nutus sas 25:11

Tiata, eta baktebes auk tao kula saa mesa, man tatai nol in hukung tele kam, auk simu. Mo eta asa man oen in dehet ta tom lo kam, muid atorang Roma lia lam, muik in sao auk laok se atuil nias iman lo. Oen suma nuti-nuting lalan, le keo tele auk ela tuun. Tiata muid auk hak kia lam, auk nodan le nol auk dasi li lako se laih tuan Kaiser, in ne kota Roma kua. Le halin un man nutus auk dasi lia!”

Dehet deng Aan in Nutus sas 25:21

Mo un dai tao lo, hidim un nodan le kil nol un dasi li lako lahing tuan Kaiser rua. Undeng na, tiata auk tahang un napiut nabale, didiin auk haup dola le tunang un lako Roma.”

Roma 1:8

Auk bok auk surat tia, nol in nodan mamo-mamo se Ama Lamtua Allah, undeng Yesus Kristus daek ne mi dalen nas. Auk kon nodan mamo, undeng totoang atuil in daad ne pamarenta Roma la in prenta ngas, dehet apa deng mi in parsai se Yesus sa.

Filipi 4:22

Totoang atuil in parsai ne kota Roma ngias kon, tunang boa-blingin. Ela kon nol kaka-pail in daek ne lahing tuan na um lahi lua ngas. Oen tunang boa-blingin bel mia.