Lukas 18:16 - Buk Niu In Hida Balu nol Dehet deng Apan-kloma ki in Dadi ka

^16-17 Mo Yesus sium tana-anang in maa bus el Una ngas. Hidim Un kaing Un ima-ii las noan, “Nang le tana-anang blutu nas maas se Au lia. Mi boel tukan oen deken. Nangan babanan! Ta atuil man le daid Ama Lamtua Allah atulin na, un musti nahlae se Ama Lamtua Allah, banansila el tana-ana man nahlae se un ina-aman nas sa.”

Lukas 18:16 Iomraidhean Croise

Matius 19:14

Kon Yesus ahan Un ima-ii las noan, “Nang le tana-anang ngas maas se Au lia! Kaing oen deken! Ta atuil in banansila el tana-ana man in nahlae tutungus se oen ina-aman nas, nol nikit-nikit taan apan lo ngas, man daid Ama Lamtua Allah atulin.”

Lukas 18:15

Oe mesan na, atuli las kok nol oen anan blutu kas laok bel Yesus, halin Un nene ima ka laok se oen bon nas, le aa beles hangun. Net ela kon, Yesus ima-ii las kaing atuli las.

Dehet deng Aan in Nutus sas 2:39

Lole Ama Lamtua Allah hid dais na meman son, bel totoang atuil man in tama son le daid Un atulin na. Nini ela lam, Un in hida ka bel mia, nol mi in hua-koet tas, nol bel atuil didang ngas kon.”

Korintus mesa la 14:20

Kaka-pail in namnau me! Eta mi le nangan tana lam, mi musti tui, le halin mi in nangan na el atuil tuan na. Mi in nangan na boel banansila el tana-anang blutu kas deken! Mo nol dais daat tas sam, mi musti tao el tana-ana blutu ka, man tao taan dais daat tas lo, ta oen dalen nas nam niu.

Korintus mesa la 7:14

Ta sapa-bikloben man in parsai Ama Lamtua lo ka, un daid niu, undeng un butu-kil nol un sapa-bihatan na. Nol sapa-bihatan man in parsai se Ama Lamtua lo ka kon, daid niu, undeng un butu-kil nol un sapa-bikloben na. Eta lo kam, oen anan nas niu lo. Ta nini lalan nia lam, oen haup hmarat le daid niu, se Ama Lamtua sila-mata.

Petrus mesa la 2:2

Ta tana-ana blutu mea kam, kom le haup in nusu deng un ina ka susu uin na. Ela kon, mi dalen nas musti kom le taan baktetebes deng Ama Lamtua Dehet-dasin na. Ta na, man tao mi in parsai ka kuat taplaeng. Nol ela, mi in nuil muid Ama Lamtua in koma ka, muun keko lako.