Lukas 18:14 - Buk Niu In Hida Balu nol Dehet deng Apan-kloma ki in Dadi ka

¹⁴ Dedeng atuil at dua nas pait umas sa, nataka le ol man babanan nol Ama Lamtua Allah la? Atuling Farisi man koaok daat ta, tam atuling in sium bea ka la? Taon elola ko Un sium nol banan atuling in sium bea, man tao dalen na deng dadale ka. Mo un toe muid atuling Farising nga lo. Ta Ama Lamtua Allah tao nahu atuil in koaok daat ta, mo nikit sakeng atuil in tao apa ka deng dadale ka.”

Lukas 18:14 Iomraidhean Croise

Matius 23:12

Ta atuil in nikit-nikit apa ka, mam Ama Lamtua tao nahu una. Mo atuil in tao apa ka deng dadale ka, mam Ama Lamtua nikit sakeng.”

Matius 5:3

“Ulat bating atuil kasiang ngas, undeng Ama Lamtua Allah esa, man daid Laih banan taung one.

Lukas 1:52

Un tao nahu atuli-atuil in kil kuasa ngas, undeng oen in koaok daat ta. Mo Un nikit sakeng atuil in tao apa ka deng dadale ngas.

Lukas 10:29

Mo atuling na tao apa ka banansila el atuil in parsai isi ka. Hidim un keket Yesus noan, “Lam auk kaak-paling ngias mo asiis sa?”

Lukas 14:11

Ta atuil in nikit-nikit apan na ngas, mam Ama Lamtua tao nahu. Mo atuil in tao apa ka el atuil ana ka ngas, mam Ama Lamtua nikit sakeng.”

Lukas 16:15

Mo Yesus siut noan, “Hoe! Mi tao niu apan nas se atuli li sila, mo elol kon Ama Lamtua Allah taan mi dalen in hmomos sa. Muik dasi mamo man atuli nikit lapa-lapa, molota Ama Lamtua Allah ngat dais nas sam hmomos, nol Un nikis one.

Roma 3:20

Tiata muik atuli mes lo kon, man tek nal noan, “Ama Lamtua noken auk noan, atuil in dalen lolo, lole auk lako-daek muid Un Atorang ngas totoang son.” Undeng Ama Lamtua Atorang ngas man tulu bel noan, kit totoang tao kula saol Una.

Roma 4:5

Atuli li hmunan nu daek kula nol tiu-hii Ama Lamtua lo, mo Ama Lamtua man muik hak le tek noan, atuil man in parsai se Yesus Kristus sa haup in babanan pait nol Una. Muik tahan dasi mes lo kon man atuli li bisa daken, le halin un babanan nol Ama Lamtua. Ta atuli li musti parsai se Yesus Kristus le, halas-sam Ama Lamtua noken un atuil in dalen lolo, nol sium una.

Roma 5:1

Undeng kit in parsai se Ama Lamtua Allah ka, tiata Un noken kit noan, atuil in dalen lolo. Hidim kit dalen nias daid niu son bel Ama Lamtua, undeng kit Lamtuan Yesus Kristus, man Ama Lamtua tunang maa son na, sai lalan le halin kit haup in daem nol Una.

Roma 8:33

Bet mi nangan noan, muik atuli bel kula Ama Lamtua atulin in huil nal son nas nabale, mo muik lo, ta loo? Ta Ama Lamtua esa man noken kit son noan, atuil dael lolo man muik in kula-salan pait lo son, le halin kit babanan nol Una.

Galatia 2:16

Halas ni kit kon tana noan, Ama Lamtua sium atuli li undeng un in tao muid atorang agama la ka lo. Molam Un sium atuli li nol babanan, undeng atuling na parsai se Yesus Kristus. Ela, halas-sam Ama Lamtua noken atuli li noan, un muik kula-sala pait lo son.

Yakobus 4:10

Eta mi nangan taan baktetebes noan, meman mi tom in laok se Ama Lamtua Allah sila-mata kua lo, halas-sam Un nikit mi le daid atuil in toma, se Un sila-mata ka.

Yakobus 4:6

In dudui pait ta, Ama Lamtua Allah kon kom nabael le bel Un dalen banan na. Ta Buk Niu ka dul noan: “Ama Lamtua labang nol atuil in koaok daat tas, mo Un tulu Un dalen banan na bel atuil man dalen deng dadale ngas.”