Lukas 18:13 - Buk Niu In Hida Balu nol Dehet deng Apan-kloma ki in Dadi ka

¹³ Mo atuling in sium bea ka dil kakatang se klupu lua. Un nikit nal sila ka le ngat laok el apan-daap lo. Un suma suda le kohe-kanas nol dalen in ili, noan, ‘Eee, Ama Lamtua Allah! Kasiang au, atuil in kula-sala nia! Bel ampong au!’

Lukas 18:13 Iomraidhean Croise

Matius 10:3

Filipus, Bartolomeos, Tomas, nol Matius (atuling in sium bea ka). Hidim Yakobus (Alpius ana ka), nol Tadius.

Matius 6:5

“Eta mi kohe-kanas sam, tao apan banansila el atuil in aa kam kisa, mo dake lam kisa ngas deken. Oen kom in laok se lalan man muik atuli hut mamo, nol dil se um in kohe-kanas sa dalen, le halin atuli hut mamo netas nol naka-naka oen noan, ‘Wuii, oen niam mo atuil niu!’ Mo hii ke! Haup in naka ela na, oen sium nuli oen in hapu ngas son na.

Matius 9:13

Banan dui ka, mi pait le pres babanan Ama Lamtua Allah in Teka-teka, man hmunan nu Un tadu mee-baah Hosea le dulas, noan, ‘Auk in koma ka elia, Auk atulin nas namnau apa mes nol mesa, hidim tulu dael kasiang nol apa. Eta oen tao ela lo kam, hmukit man oen pakes le todan-lahing Au ngas, muik nahin lo.’ Ta Ama Lamtua Allah man tek ela. Auk maang le nuting atuil in nataka apa ka le banan son nas lo, molam Auk maang le nuting atuil banan lo kas.”

Markus 11:25

Mo eta muik atuli in kohe-kanas, molota un dalen na banan isi lo nol atuil didang ngam, un musti babanan nol atuling na muna le. Ela halas-sam, mi Aman in ne sorga ku kom le kose soleng mi in kula-sala ngas.

Lukas 17:12

Nikit oen le taam lakos ingu mes se na kon, muik atuil iil baih-bluku at hngul maas tutnaal nol Yesus. Oen dil deng kakatang,

Lukas 22:41

Hidim Un hoen deng one la, le lako katang dui bubuit, kon un hai buku ka le kohe-kanas noan,

Lukas 23:48

Nikit atuil hut mamo in nakbua se na ngas net Yesus in mate ka kon, oen sabail apan, hidim pait nol dael ili.

Lukas 5:8

Simun tapan atuil tasi kas, nol Yakobus duas Yuhanis, ama Sabadeus anan nas, se na kon. Oen herang isi nol oen in nal ikan mamo isi ela ka. Nikit Simun Petrus net in daid son na kon, un hai buku ka se Yesus sila ka, le tek noan, “Auk tao kula-sala mamo isi son. Tiata banan dui ka Tuang dani-dani nol auk pait bakun tia.” Mo Yesus situn noan, “Simun! Nangan muun isi nol dais na deken, ta Auk le pake mia. Taom mi nuting ikan. Mo nol nia, Auk tui mi le laok nuting atuli, halin muid se Au.”

Dehet deng Aan in Nutus sas 2:37

Ming ela kon atuli las dalen nas dudus. Kon oen keket Petrus nol aan in nutus tenga las noan, “Kakas totoang! Kaim musti tao elola la?”

Roma 5:8

Mo Ama Lamtua Allah tulu Un in namnau ka mamamo bel kit son. Undeng se dedeng kit in tao kula nabale ka, Kristus mate seda kita.

Korintus dua la 7:11

Olan mi nangan le! Oras mi in les auk surat ta ka, auk taan le mi maingasar kon ne. Na man muid Ama Lamtua in koma ka. Ta na, man tao mi le daek mumuun, halin kose soleng dais daat man muik ne mi in nuli ka ngas. Mi kon lii, tamlom mam mi daek dais daat tas pait ta. Mi kom isi le net au. Nol mana napiut le daek sa-saa banan nas. Mi kon mana le bel hukung atuil in tao kula ngas. Undeng mi daek dais in toma ngas ela, tiata mi daid niu. Nini ela lam, muik in hutun kula-sala ka bel mia lo.

Timutius mesa la 1:15

Taom kit ming oe-oe son noan, “Yesus Kristus maa se apan-kloma ki son, le bel boa-blingin atuil in tao kula-sala ngas.” Meman ela baktetebes! Molam deng totoang atuil in daek kula-sala ngas, auk man daat dui hihidi.

Ibrani 4:16

Undeng na, maa le kit brain in laok dadani nol Ama Lamtua Allah, se Un del in prenta kua. Ta Un dalen na banan isi. Tiata, eta kit kohe-kanas se Una lam, taon elola ko Un tulu Un dalen banan na, le tulung kit tom nol oras sa.

Ibrani 8:12

Nol Auk le tulu bel oen Auk daleng boa-ili lia, tiata Auk nadidingun soleng oen in kula-sala ngas.”