Lukas 18:11 - Buk Niu In Hida Balu nol Dehet deng Apan-kloma ki in Dadi ka

¹¹ Lius se um in kohe-kanas sa kon, atuling Farisi nga sii dil le kohe-kanas noan, ‘Nodan mamo Ama Lamtua, ta auk niam atuil banan. Auk daat el atuil tenga las lo. Auk daid atuil in nako lo. Auk kom naseke lo. Auk laok kula nol bihaat lo. Nodan mamo Ama Lamtua, ta auk kon daat el atuling in sium bea ni lo.

Lukas 18:11 Iomraidhean Croise

Matius 10:3

Filipus, Bartolomeos, Tomas, nol Matius (atuling in sium bea ka). Hidim Yakobus (Alpius ana ka), nol Tadius.

Matius 5:20

Parsai se Au! Eta mi nuil lolo dui deng guru agama las nol atuil Farisi las lo kam, mi tamam nal le daid Ama Lamtua Allah atulin lo.”

Matius 6:5

“Eta mi kohe-kanas sam, tao apan banansila el atuil in aa kam kisa, mo dake lam kisa ngas deken. Oen kom in laok se lalan man muik atuli hut mamo, nol dil se um in kohe-kanas sa dalen, le halin atuli hut mamo netas nol naka-naka oen noan, ‘Wuii, oen niam mo atuil niu!’ Mo hii ke! Haup in naka ela na, oen sium nuli oen in hapu ngas son na.

Markus 11:25

Mo eta muik atuli in kohe-kanas, molota un dalen na banan isi lo nol atuil didang ngam, un musti babanan nol atuling na muna le. Ela halas-sam, mi Aman in ne sorga ku kom le kose soleng mi in kula-sala ngas.

Lukas 20:47

Mo doha-doha, ta oen taan in nole-lilung bebalu kas le nuhu-dau nal oen uma las. Mo se atuil hut mamo sila kam, oen buba kele oen in daat tas nini in dil kohe-kanas nesa-nesang. Oen in koma ka le atuli aa noan, oen nam atuil in parsai. Mo Ama Lamtua taan oen in kula ka, tiata mam Un beles hukung ngele dui.”

Lukas 22:41

Hidim Un hoen deng one la, le lako katang dui bubuit, kon un hai buku ka le kohe-kanas noan,

Galatia 3:10

Asii man muid atorang agama las le halin nam, Ama Lamtua sium un babanan na, un musti lepa-haal atorang nas totoang, banansila el un in tom bahang son na. Ta dulan son ne Ama Lamtua Allah Buk Niu ka noan, “Atuil in muid napiut atorang agama la nol babanan lo ka, tom in bahang!”

Apan-kloma Hnika Balu 3:17

Mi aa in koaok noan, ‘Kaim niam atuil in muki. Kaim in nuli ki banan son, ta kaim parlu saa pait lo ka!’ Molota mi dalen nas tema son, didiin mi taan ol man in banan na lo. Undeng na le, mi daid banansila el atuil kasiang man muik saa lo nol luli-lulit tukun na.