Lukas 16:8 - Buk Niu In Hida Balu nol Dehet deng Apan-kloma ki in Dadi ka

⁸ Un tao ela, didiin un tuang nga taan haup un in nuting lalan na. Mo tuang na musti hao noan, tulu in mana-koet na, meman nuting taan lalan isi. Auk tek kleta nia, le halin mi tana noan, se hutu-ata hahalas ni hlala, atuil in parsai lo ngas nuting taan lalan dui deng atuil in parsai ngas.

Lukas 16:8 Iomraidhean Croise

Dehet deng Apan-kloma ki in Dadi ka 3:1

Totoang hmukit man AMA LAMTUA Allah in koet son se apan-kloma kia ngas, ula la man taan in nole-lilung dui. Oe mesan na, ula la keket bihatang nga noan, “Baktebes Ama Lamtua Allah kaing noan, ‘Mi boel kaa totoang kai isin in se klaap ni dalen nias lo, ta lo?’ ”

Matius 12:32

Eta atuli aa dadaat labang Au, Atuling Baktetebes sia lam, Ama Lamtua tade le bel ampong una. Mo eta atuli aa dadaat le labang Ama Lamtua Koo Niu ka lam, didiin leol kiamat ti kon, Ama Lamtua Allah kose soleng un in kula-sala na lo.”

Matius 17:26

Petrus siut noan, “Deng atuil didang!” Kon Yesus aa napiut noan, “Eta ela lam, lahing nga ana ka baen baab lo, ta lo?

Lukas 16:10

Eta atuli aa nahlolool nol dasi-dais anang ngas sam, taon elola ko un kon aa nahlolool nol dasi-dais tene kas. Mo eta atuli nole nol dasi-dais anang ngas sam, taon elola ko un kon nole nol dasi-dais tene kas.

Lukas 16:4

Eta daek se ni pait lo son nam, auk musti nuting lalan le halin nam atuil didang tade le tulung sium au.’

Lukas 16:7

Hidim un lako keket atuling nomer dua la noan, ‘Ku hningin na bakun na?’ Un siut noan, ‘Auk hningin ale karong lihu mesa.’ Tulu in mana-koet na tekan noan, ‘Pius soleng ku surat hningin blaan na, le dul seda noan karong ngatus paul siis.’

Lukas 18:6

Mi nangan soba-naan atuling in nutus dasi daat na in aa ka.

Lukas 20:34

Kon Yesus siut noan, “Atuli li saap apa se apan-kloma ki sii.

Lukas 20:35

Mo eta se sorga lam, muik in saap apa lo. Nol se ua lam, oen mates pait lo ka. Oen banansila el Ama Lamtua Allah ima-ii in ne sorga nguas. Ta oras Ama Lamtua Allah bel atuil in mate ngas le nulis pait ta, Un huil nal oen le daid Un anan.

Yuhanis 12:36

Tiata eta Auk langa ki muik nabale lam, mi musti parsai se Au, le mi daid atuil in nuil se langa ka, halin laok elola lam, mi tanan.” Yesus aa hidi ela kon, Un hoen apa ka deng atuil hut mamo kas, le halin Un sii.

Korintus mesa la 3:18

Mi boel nole bali apan deken! Eta ku nataka apam ma noan, tana, nol nangan taan totoang sa-saa li muid atuil apan-kloma halas ni in nangan tana ka lam, na langa son noan ku taan saa mes lo kon. Ta eta ku taan noan, ku taan saa lo, halas-sam ku tui.

Efesus 5:8

Hmunan nu, mi banansila el atuil in nuil ne mitang dalen, undeng mi taan Ama Lamtua Allah lo. Mo halas ni, Un niung Un langa ka son, le tao mi daid Un anan. Tiata, mi musti nuil se Un langa ka dalen.

Filipi 3:19

Ta mam Ama Lamtua hutun soleng one, hidim pasang soleng oen lakos se ai naraka lua, undeng oen dalen nas butu-kil nol Un lo. Oen suma kil dasi-dais daat tas nol oen nuting lalan le tao sili oen apan nas siis, didiin oen koaok nol oen in daek dadaat ela ka. Oen mae taan lo. Oen in nangan na tuladang el atuil man in taan Ama Lamtua lo ngas.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.

Yuhanis mesa la 3:10

Nini ela lam, kit taan nal noan, Ama Lamtua Allah anan nas mo asii, mo uikjale kas laih tuan na nenan nas mo asii. Ta atuil in tao muid asa man in toma ngas lo, nol atuil in namnau taan un pail-kakan nas lo ka, daid tada noan, un nam Ama Lamtua Allah ana lo.