Lukas 16:19 - Buk Niu In Hida Balu nol Dehet deng Apan-kloma ki in Dadi ka

¹⁹ Yesus dehet pait noan, “Atuil in muki mes kom in pake kai-baut leko-leko man dakes nini kitu duda. Lelo-duman nam un kaa-niun faal banan si-sii, nol nuil leko-leok muid un in koma ka tuun.

Lukas 16:19 Iomraidhean Croise

Markus 15:17

Hidim oen lotong bel Yesus kaod blatas mea-mamaten mesa, tuladang el taom lahi las kaod in pake ngas. Oen kon kat kai hlango in muik duli ka, le naneng daid hlotong. Hidim oen tudan hlotong duli na laok se Yesus bon na, le tao kuti-kuti banansila el in nikit laih balu, nini in lotong belen hlotong lahi ka.

Markus 15:20

Oen diuk hidi Un kon, oen kolong soleng Un kaod blatas sa, le pake belen Un kai-batu las pait. Hidi nam, oen kil puting Un deng kota Yerusalem, le laok pauk holtiu Un se kai sangsuli la didiin mate.

Lukas 15:13

Nesang lo kon, ana hmudin na hee soleng un nena las. Hidim kabut un kai-batu las, le bok lako dale katang. Lako lius se lua kon, un nuil muid un in koma ka tuun, le paa nuli un duit tas.

Lukas 16:1

Hidim Yesus nahdeh taplaeng kleta mes pait bel Un ima-ii las noan, “Atuil in muki mes nikit atuli mes le daid tulu in mana-koet. Mo nenesang kon nam, tuang nga ming haup dehet noan, tulu in mana-koet na panaek una, le paa nuli un hmukin nas.

Lukas 16:18

Atuil in dai soleng un sapa ka, le hidim saap pait nol bihaat didang nga, un nong son na. Ela kon nol atuil in saap nol bihatang in dai soleng nga, nong kon son na.”

Lukas 16:20

Se na kon, muik atuli mes man kasiang isi. Un ngala Lasarus. Un apa ka inu nol paap hoso si-sii. Lelo-lelo lam un tapan nas kil nol un lako se atuling in muki na hnita mata ka.

Apan-kloma Hnika Balu 17:4

Bihatang na pake kai-baut duda mea nol mea-mamaten. Un sa-saa in lohas apa ka ngas deng lil-mea, baut kaloe' osa ngas, nol mutiara. Un kil cangkir lil-mea mesa, man inu nol anggor uin se un ima kanan na. Anggor na, mo un in daek hmomos le nong dadahut daat ta, nol totoang in daat didang, man un in dake ngas.

Apan-kloma Hnika Balu 18:16

Hidim oen aa noan, ‘Idaah! Kasiang Babel le! Idaah! Kasiang kota tene leko! Hmunan nu, ku atulim mas pake kai-baut duda mea nol mea-mamaten, deng kitu in osa dudui ngas. Hmunan nu ku atulim mas lohas apan nas nini lil-mea, mutiara, nol baut kaloe' in osa dui ngas.

Apan-kloma Hnika Balu 18:7

Oen tao apan nas muun isi. Nol nikit oen apan nas lapa-lapa. Oen suma kom in nuil liis-lasa tukun. Oen suma kom in bana-banan nas tuun. Undeng na le, oen in haup susa ka musti ngele. Tiata, oen musti nuil susa-daat. Ta hmunan nua, oen aa in koaok el bihaat hmama ka, noan, ‘Auk niam, bi-lahi! Taon elola kon auk daid bebalu lo! Taon elola kon, mam auk lilu hultotoen lo. Mam auk pake net kai-baut mitang lo kon.’