Lukas 15:24 - Buk Niu In Hida Balu nol Dehet deng Apan-kloma ki in Dadi ka

²⁴ Undeng auk anang ngi tuladang el un mate son, mo halas ni un nuli pait son. Un ilang, mo halas ni auk haup pait son.’ Aa hidi ela kon, oen tao fesat le len leo-leo.

Lukas 15:24 Iomraidhean Croise

Dehet deng Apan-kloma ki in Dadi ka 45:28

Kon un tek noan, “Idaah! Auk anang nga nuli nabale lia! Eta ela halas-sam auk daleng ngi kolo! Auk musti laok net un le, halas-sam auk mateng nol babanan.”

Matius 8:22

Mo Yesus tekan elia, “Nang le atuil in dai muid Ama Lamtua lo ngas puan atuil in mate ngas. Ta eta ku le muid Au lam, ku musti muid nol baktetebes!”

Markus 8:22

Hidi deng maan na, Yesus nol ima-ii las lakos lius se iung Betsaidas. Lius se luas kon, atuli las pel nol atuling tedo mes laok bel Yesus. Oen nodan le Yesus huud atuling tedo na, halin un banan.

Lukas 10:19

Nangan ne! Uikjale kas laih tuan na, kit musu. Nol un kon muik in kuasa! Mo Auk bel mi kuasa son le tao tehen un in kuasa ka. Nol eta noan mi kida tom ul in muik lasong, tamlom hkulang kon mi sa-saa lo. Muik tahan in tao daat saol mia lo.

Lukas 15:23

Laok pel aus-saip in nalo ka le keo, ta kit le tao fesat halin kit len leo-leo.

Lukas 15:25

Dedeng na, ana hmunan na se uma lo, un daek se klapa'. Nikit un pait kon, bii kakatang ngam, un ming atuli diuk kong nol tidan lako-pait.

Lukas 15:32

Mo kit musti tao fesat le kuit-lii nol dael kolo tia, undeng ku palim mia. Hmunan nu, tuladang el un mate son, mo halas nia lam un nuli pait son. Un ilang, mo halas ni haup pait son.’ ”

Lukas 15:4

“Eta noan at mes deng mia la muik lae-blai ngatus. Kon mes nes. Lam atuling na tao elola la? Taon elola ko un nang lae-blai buk sipa beas sipa kas se maan babanan mesa, hidim un laok nuting laen mes man nes na didiin hapun.

Lukas 19:10

Ta Ama Lamtua Allah nutus Auk daid Atuil Baktetebes se apan-kloma kia. Auk maang le nuting atuil in laok kula son, deng Ama Lamtua lalan na ngas, le beles boa-blingin.”

Lukas 9:60

Mo Yesus tekan noan, “Elia! Nang le atuil man kom le muid Auk lo ngas, mana-koet oen atulin in mate ngas. Mo mi man parsai se Ama Lamtua nol kom le muid Au ngas, mi osa la laok tek atuli li deng Ama Lamtua Allah in kil prenta ka.”

Yuhanis 11:25

Mo Yesus tekan noan, “Auk man tao atuil hmate kas le nulis pait. Auk kon man bel in nuli baktetebes sa. Tiata atuil in parsai se Au ngas, mates son kon no, mam oen haup in nuli pait.

Yuhanis 5:21

Auk Amang ngu tao atuil in mate ngas le nulis pait. Ela kon, mam Auk bel in nuli baktetebes se asii tuun, muid Auk in koma ka.

Roma 11:15

Dedeng Ama Lamtua hutun soleng Un atulin Yahudi las sa, na sai lalan le atuil Yahudi lo kas haup dola, halin tamas daid Ama Lamtua atulin. Mo mam eta atuil Yahudi las babanan pait nol Ama Lamtua lam, na banan dui. Ta na banansila el oen nulis pait son deng oen in mate ka!

Roma 12:15

Eta muik atuli dalen kolo kam, dalen kolo leo-leo nolan. Nol eta muik atuli in lilu undeng un dalen ili lam, lilu leo-leo nolan.

Roma 6:11

Ela kon nol mia, mi musti nangan noan mi tuladang el in maet son na, tiata kula ka muik in kuasa mia pait lo son. Mo halas ni mi musti nulim le taung in todan Ama Lamtua, undeng mi butu-kil nol Yesus Kristus.

Roma 6:13

Sao ku aap-inam ma le lako-daek dais man in tom lo ngas deken, ta na kon kula. Molam bel ku aap-inam ma laok se Ama Lamtua Allah tuun, le Un man mana-koet ku. Tuladang el ku mate son, mo hidim ku nuli pait. Tiata pake ku aap-inam ma totoang, le daek dais in toma ngas bel Ama Lamtua.

Roma 8:2

Ta muik in kila dua man tom baktetebes: mesa la, eta kit butu-kil nol Yesus Kristus sam, Ama Lamtua Koo la bel kit kuasa le nuil nal se in toma ka. Dua la, in daat muik ne kit dalen nia, man hanet kit le daek kula. Nol eta kit daek kula son nam, Ama Lamtua Allah nikis kita, le bali kudi kita. Mo eta kit haup Ama Lamtua Koo la lam, Un kon sas-sao kit deng kula-sala ka in kuasa ka.

Korintus mesa la 12:26

Le eta opan mes haup susa lam, totoang haup susa. Nol eta mes haup in todan nam, totoang dalen kolo leo-leo.

Efesus 2:1

Hmunan nu mi kaliut Ama Lamtua Allah prenta las, nol daek kula-sala bili-ngala. Tiata Un bali mi banansila el atuil in maet son na.

Efesus 5:14

Ela kon, eta kit laang dais daat man atuli li in tao ngas sam, un tana noan, dais un in tao na, daat. Muik dani mes elia, “Hoe! Mi in nini ngas, hangum tia! Mi in mate ngas, nulim pait tia! Ta Kristus le laang bel mi dalen nas.”

Kolose 2:13

Hmunan nu, mi tuladang el in maet son na, undeng mi in kula-sala ka bili-ngala, nol mi tamam daid Ama Lamtua Allah atulin lo bii. Mo ela kon no, Un kose soleng mi in kula-sala ngas totoang, le bel mi in nuli balu, banansila el Un bel Kristus in nuli pait ta.

Timutius mesa la 5:6

Mo bebalu man kom le nuil leko-leok tuun nol sa-saa apan-kloma kia ngas sa, nuli nabael kon no, muik ambak lo son, banansila el atuil in maet son na.

Yudas 1:12

Eta atuil in taam son ne mi hlala ngas nakbuan nol mia, le nangan Ama Lamtua in neka-namnau ka, se oras mi in kaa leo-leo ka lam, oen mae taan lo nol oen in kom naseke ka. Tiata, mi musti doha-doha loo! Ta oen nam mo, banansila el baut alo in ne tasi dalen nua, man tao dudus nal kapal la. Oen kon banansila el nopen mitang, mo nahu tahan ulan beas mes lo kon na. Oen suma bahan nas tuan tukun, mo tao sa-saa in banan nas lo. Oen banansila el kai ina man muik ambak lo ka. Eta oras in isin nam, un puting tahan isin beas mes lo kon, undeng un holbodos son lako huud klaput-klaput tas.

Apan-kloma Hnika Balu 3:1

Kon nam Atuling Baktetebes sa tupang Un in teka ka pait noan, “Yuhanis ku musti dul surat didang pait, isin na elia: ‘Taung jemaat se kota Sardis: Surat ni deng Au, Yesus. Ama Lamtua Allah Koo la muik ne Au. Koo na muik hngasa itu. Nol Auk kon man kil duun iut ne Auk imang ngia. Hii Auk in teka nia. Auk net asa man mi in tao son se Sardis sa. Muik atuli deeh tek noan mi nuil muid Auk in koma ka baktetebes, molota mi banansila el muik in nuli lo ka.