Lukas 15:20 - Buk Niu In Hida Balu nol Dehet deng Apan-kloma ki in Dadi ka

²⁰ Un nangan haup ela kon, un haung pait lako ama ka uma. Bii kakatang ngam, blalan na ngat netan son, hidim dalen na nahi nol namnaun. Un niu deng uma la le lail lako sod un ana man in pait maa son na. Hidim blalan na nekon le likin.

Lukas 15:20 Iomraidhean Croise

Dehet deng Apan-kloma ki in Dadi ka 33:4

Mo Esau ngat net un palin na kon, un lail laok tutnalan, hidim un nekon le likin. Kon oen duas lilu nol apa muun isi.

Dehet deng Apan-kloma ki in Dadi ka 45:14

Hidim un neok un palin Benyamin, le oen duas lilu.

Dehet deng Apan-kloma ki in Dadi ka 46:29

Yusuf saek lako un kereta la, le laok tutnaal nol un ama ka se na. Oen tutnaal apa kon, Yusuf neok un ama ka le oen duas lilu nol apa nesang isi.

Lukas 15:19

Ta auk tom in daid paap ana pait lo son. Nang le paap sium auk daid ata se paap uma li tuun kon banan!” ’

Lukas 15:21

Kon tana na aa nol ama ka noan, ‘Papa! Auk tao kula tene isi son saol Ama Lamtua nol papa. Auk tom in daid paap ana lo son.’

Dehet deng Aan in Nutus sas 2:39

Lole Ama Lamtua Allah hid dais na meman son, bel totoang atuil man in tama son le daid Un atulin na. Nini ela lam, Un in hida ka bel mia, nol mi in hua-koet tas, nol bel atuil didang ngas kon.”

Dehet deng Aan in Nutus sas 20:37

Kon nam oen totoang dalen iil isi, undeng Paulus tek son noan, mam oen tutnaal un pait lo ka. Tiata nikit oen le bakisan apa kon, oen neok Paulus le likin, hidim lilu muun isi nol dael ili. Hidi nam, oen nol kaim laok sao kaim se onan na le kaim saek lui lakom.

Efesus 2:13

man bakisan deng Ama Lamtua. Mo halas ni, Yesus Kristus sai lalan son le mi haup in butu-kil nol Ama Lamtua Allah. Ta Kristus mate le tao blingin Ama Lamtua dalen na, halin mi daem nol Una, le haup in daid Un atulin.

Efesus 2:17

Un maa se apan-kloma kia, le kil Dehet Dais Banan na bel atuil Yahudi las, leo-leo nol atuil Yahudi lo kas, noan, “Hmunan nu mi in nuli ka mus nol apa, mo halas ni muik lalan son le mi haup in nuil daem apa, mes nol mesa.”