Lukas 13:34 - Buk Niu In Hida Balu nol Dehet deng Apan-kloma ki in Dadi ka

³⁴ Idaah, atuil Yerusalem me! Mi man keo tele Ama Lamtua Allah mee-baha las tutungus, nol pasang tele atuil in nutus man maa le tulu lalan bel mia ngas. Auk le tao nakbuan mia nol doh mi oe-oe son, le kele-keba mi deng in daat tas, banansila el manu ina man le kabut un anan nas, se un dila ka dalen na. Mo mi dai tao lo.

Lukas 13:34 Iomraidhean Croise

Matius 22:3

Mana hidi fesat ta kon, un tadu un ata kas le laok tek atuil in haup haep pas noan, ‘Maa tia, ta fesat tu mulai son.’ Mo atuil nas dai laok muid fesat ta lo.

Matius 22:6

mo tenga las daek lahing nga ata kas, le diku-puang didiin mates.

Lukas 15:28

Ming ela kon ana hmunan na komali. Un dai taam laok uma dael lo. Kon un ama ka laok hanet le noan nol tamang lako uma dale.

Lukas 19:44

Oen tao lean mi kota la lako tatai nol dale ka, hidim keo mi totoang leo-leo nol mi anan nas. Oen nang batu mes le dil lo kon, undeng Ama Lamtua maa le bel boa-blingin mi son, mo mi dai taan Un lo!”

Lukas 23:28

Ming oen in lilu ela ka kon, Yesus bali lako saol one, hidim tekas noan, “Hoe! Ina-in in deng Yerusalem me. Lilu nol Auk deken. Banan dui ka lilu taung mi apan nas esa, nol mi ana-anan nas.

Dehet deng Aan in Nutus sas 7:52

Mi upu kia-kaon nas kon tao sus Ama Lamtua Allah mee-baha las tutungus. Olan mi tek soba-nana: le mee-baah ol man oen tao susan lo kia? Muik lo, ta loo! Hmunan nu Ama Lamtua mee-baha las kom in tek meman noan, mam Ama Lamtua Allah le tunang Un Atulin Niu ka maa. Mo mi upu kia-kaon nas keo tele Ama Lamtua mee-baha las. Maa lius mia lia lam, mi kon pake atuil didang le keo tele Ama Lamtua Atulin Niu ka.

Dehet deng Aan in Nutus sas 7:59

Oen pasang Stefanus mamasu lam, un haman mumuun le tek noan, “Lamtua Yesus! Auk oras si maa dadani son. Sium auk tia!”

Apan-kloma Hnika Balu 11:8

Nini ela lam, oen duas mates se kota tene, man hmunan nu atuli las keo oen Lamtuan na se kai sangsuli dapa ka. Ta kota na, daid daat banansila el Sodom nol Mesir se dedeng hmunan nua ka. Mam atuli las pasang soleng mee-baah nas nitun nas se lalan, le nang se na didiin lelo tiul tailuang. Hidim atuil deng totoang bangsa-bangsa lias, ngala-ngala lias, nol dasi-dasi lias, maas le lingut niut dua nas. Oen kon bel dola le puan lo,