Lukas 13:27 - Buk Niu In Hida Balu nol Dehet deng Apan-kloma ki in Dadi ka

²⁷ Kon un siut noan, ‘Apin auk tek mi son noan, auk taan mi lo! Mi niam atuil man kom in daek dadaat. Lakom bian deng ni tia!’

Lukas 13:27 Iomraidhean Croise

Matius 25:12

Mo um lamtua ka siut noan, ‘Eeh, auk tao lo. Ta auk taan mi lo kam!’

Matius 25:41

Hidim Auk tek atuli-atuil in se Auk halin kliu ka ngas noan, ‘Hoe atuil daat me! Ama Lamtua Allah bahang mi son. Lakom nodat deng nia! Mam Auk tadu atuli le laok pasang tamang mi se ai naraka man in kaloe hidi nutus taan lo kua. Ta Ama Lamtua Allah mana pesang maan in susa-daat na son, bel uikjale kas nol oen laih tuan na.

Lukas 13:25

Eta um lamtua ka hkaen hnita ka son nam, mi dil se likun le bitin hnita ka tutungus, nol haman le nodan tulung noan, ‘Tuang! Sai hnita ki le!’ Mo un siut noan, ‘Auk taan mi lo!’

Korintus mesa la 8:3

Mo eta muik atuli namnau Ama Lamtua Allah lam, Ama Lamtua taan un son. Na man banan dui la.

Galatia 4:9

Mo halas ni, mi taan Ama Lamtua Allah son. Banan dui ka auk tek noan, Ama Lamtua Allah man taan mia. Lam tasao le mi pait lakom le hui-langus se dasi-dais man in muik nahin lo, nol muik in kuasa lo ngas sia? Mi le tao apan nas butu-kil nol dais nas, le daid ata deng oen pait te?

Timutius dua la 2:19

Mo netes man Ama Lamtua Allah in bangun-pii son na, pepeko lo. Se netes na, muik in dula noan, “Ama Lamtua taan Un atulin nas”, nol “Asii man todan-lahing se Ama Lamtua Allah lam, un musti nuli katang deng daat tas.”