Lukas 13:13 - Buk Niu In Hida Balu nol Dehet deng Apan-kloma ki in Dadi ka

¹³ Hidim Yesus nene ima ka laok se bihatang na. Kon nahkitu lam, un blepo in hkait ta lolo meman. Nol un nodan mamo le naka-naka Ama Lamtua Allah.

Lukas 13:13 Iomraidhean Croise

Matius 9:8

Net ela kon, atuli las totoang herang. Hidim oen nikit sakeng Ama Lamtua Allah ngala ka lapa-lapa noan, “Ama Lamtua Allah na mo muun isi! Un bel atuli li in kuasa tene elia lam.”

Markus 16:18

Hidim, eta oen kil tom ul in muik lasong tam, oen niun tom laos kon no, oen tom in daat lo'. Mo eta oen nene iman nas se atuil in ili ngas bon, le nodan beles sam, atuil nas banan meman.”

Markus 5:23

le nodan noan, “Papa! Auk anang bihata halas-sam taun hngul dua, mo un heda ngele isi. Paap tulung maa taih banan un le.”

Markus 6:5

Mo atuil nas dalen nas didi isi nol oen dai parsai se Yesus lo'. Tiata Un herang, nol Un pake Un kuasa la le tao taad herang mamo se maan na lo'. Un suma taih banan atuil in heda ngas at ila lo siis.

Markus 8:25

Tiata Yesus tapa Un ima ka pait lako se atuling na mata ka. Kon atuling na ngat soba-naan pait tam, un mata ka banan baktetebes son. Un ngat net nol langa son.

Lukas 13:12

Yesus ngat net bihatang na kon, Un haman le tekan noan, “Mama! Ku banan deng ku ili la tia.”

Lukas 18:43

Nahkitu lam, atuling in mata tedo na banan meman. Kon un laok muid Yesus le naka-naka Ama Lamtua Allah. Totoang atuil in net ela ngas kon, naka-naka Ama Lamtua.

Lukas 4:40

Lelo-hat ta, oras lelo la mana le dene kon, atuli las kil nol totoang atuil ili las laok bel Yesus. Oen ili las bili-ngala. Kon Un nene ima ka laok se atuil ili las, le tao banan oen totoang.

Dehet deng Aan in Nutus sas 9:17

Ming Ama Lamtua tek ela kon, Ananias lako se um na, le tutnaal Saulus. Hidim un nene ima ka laok se Saulus le tekan noan, “Kaka Saul. Lamtua Yesus man kaka netan se lalan nua ka, man lok auk halin maa tutnaal nol kaka. Un lok auk le kohe-kanas nol nene imang ngi se kaka, le halin nam kaka ngat net pait. Nol Un kon kom le kaka sium Un Koo Niu ka.”