Lukas 11:9 - Buk Niu In Hida Balu nol Dehet deng Apan-kloma ki in Dadi ka

⁹ Ela kon nol in kohe-kanas. Nodan tutungus se Ama Lamtua; tiam Un bele. Nuting tutungus; tiam Un tulu bel lalan. Haman tutungus; tiam Un sai hnita ka.

Lukas 11:9 Iomraidhean Croise

Matius 21:22

Ta totoang asa man mi in nodan se Ama Lamtua Allah ngas, mam mi simus, sadi mi parsai baktetebes se Una.”

Matius 21:31

Dehet hidi ela kon, Yesus keket oen noan, “Auk le keket elia: deng tana-anang dua nas, ol man tao muid oen aman na in prenta ka la?” Kon oen siut noan, “Ana hmunan na!” Ta Yesus tekas noan, “Hao. Mo hii babanan, ta Auk in teka ni toma. Mi noken atuil in sium bea ngas nol bihaat hmama kas noan, atuil daat, mo mam oen tamas lakos daid Ama Lamtua Allah atulin muna deng mia. Undeng mi suma hao Ama Lamtua tuun, mo daek muid Un in koma ka lo.

Matius 6:29

Mo hii babanan ne! Laih Soleman kai-baut in leok dudui ngas kon, leok lius bunga bakung ngas in leko ka lo.

Markus 11:24

Nadidingun lo koo! Sadi mi parsai baktetebes noan Ama Lamtua Allah bel nal asa man mi in nodan na lam, Un tao bel mi ela!

Markus 13:37

Tiata, asa man Auk in tek mi nia, Auk tek atuil tenga las totoang ela kon, noan, ‘Mi musti doh babanan le sodo-sium Auk in pait maa kia!’ ” [Lamtua Yesus in dehet nol Un ima-ii las se leten Saitun na ka, lako pes ela.]

Lukas 11:10

Ta totoang atuil man in nodan tutungus se Ama Lamtua Allah ngas, mam simu. In nuting tutungus sas taon elola ko, mam hapu. In haman tutungus sas, mam Un sai hnita ka.

Yuhanis 14:13

Mi in butu-kil nol Au ngias, muik hak le kil Auk ngala ngia. Tiata mi kohe-kanas le nodan asa tuun nini Auk ngala ngia lam, mam Auk tao bel mias. Nini ela, Auk nikit sakeng Auk Amang ngu ngala ka lapa-lapa, le halin totoang atuli li tana.

Yuhanis 15:16

Mi huil Auk lo. Molam Auk man huil mia, nol nikit mi le lako-daek os nia. Tiata mi musti lako-daek dais banan man in tahang nal nesang ngas mamamo. Ta na banansila el anggor ina mesa, man puting isin banan tutungus sa. Eta mi tao ela lam, mi nodan asa tuun se Auk Amang ngua lam, mam Un tao bel mias.

Yuhanis 15:7

Mo eta mi butu-kil napiut nol Au, nol Auk in Teka-teka ngas kon muik napiut se mi dalen nas sam, mi nodan asa tuun deng Ama Lamtua Allah lam, mam Un tao bel mias.

Yuhanis 4:10

Yesus tekan noan, “Eta bata taan asa man Ama Lamtua Allah in le bel totoang atuli lia ka, nol taan noan in nodan ui le ninu ni asii lam, taon elola ko bata nodan bali ui deng Au. Le Auk bel ui man kil in nuli ka.”

Roma 2:7

Ta atuil in tao dais banan tutungus sas, mam Ama Lamtua beles in nuil toma man hidi nutus taan lo ka. Oen man haup in todan, nol ngalan banan, le nuil napiut nol Una.

Korintus dua la 6:2

Ta ne Un Buk Niu ka muik dulan noan, “Tom nol oras sa lam, Auk hii-ming se ku. Auk kon tulung ku, se oras Auk bel boa-blingin atuli lia ka.” Tiata, hii-ming babanan ne! Ta halas ni, un oras banan na, nia son nia. Leol ni, Ama Lamtua lelon in bel boa-blingin atuli lia ka.

Ibrani 11:6

Tiata elia, kaka-pali me! Langa son noan, atuil in parsai se Ama Lamtua Allah lo ngas, Un simus lo. Ta atuil in le maa se Ama Lamtua Allah ka, musti parsai noan, meman muik Lamtua. Nol un kon musti parsai noan, Ama Lamtua tade le tulung atuil in maa nuting Una ngas.

Ibrani 4:16

Undeng na, maa le kit brain in laok dadani nol Ama Lamtua Allah, se Un del in prenta kua. Ta Un dalen na banan isi. Tiata, eta kit kohe-kanas se Una lam, taon elola ko Un tulu Un dalen banan na, le tulung kit tom nol oras sa.

Yakobus 1:5

Eta deng mia la muik in nataka noan, un taan lalan in puit deng susa-daat ta lo kam, mi musti keket se Ama Lamtua, man taan totoang sa-saa lias sa. Ta Un le lam tulu nal bel mi lalan in puti. Un man sai lalan nol dalen in kolo. Un kon komali nol mi lo, eta mi nodan se Una.

Yakobus 5:15

Eta mi kohe-kanas bel atuil ili, nol in parsai baktetebes se Ama Lamtua kam, mam Ama Lamtua tao banan atuling na. Nol eta atuling na daek kula neta lam, mam Ama Lamtua kose soleng un in kula-salang ngas.

Yuhanis mesa la 3:22

Undeng kit daek muid Un in prenta ngas, nol tao Un dalen kolo, tiata kit sium nal totoang asa man kit in nodan deng Una ngas.

Apan-kloma Hnika Balu 2:24

Mo teng deng mi in ne Tiatira ngias, muid bihatang na in tui dadaat na lo. Ta mi hutun soleng in tui buni man oen noken noan, ‘uikjale kas dasi-dais mitang ngas’. Tiata Auk kaing mi lo ka,