Lukas 11:10 - Buk Niu In Hida Balu nol Dehet deng Apan-kloma ki in Dadi ka

¹⁰ Ta totoang atuil man in nodan tutungus se Ama Lamtua Allah ngas, mam simu. In nuting tutungus sas taon elola ko, mam hapu. In haman tutungus sas, mam Un sai hnita ka.

Lukas 11:10 Iomraidhean Croise

Matius 5:42

Eta muik atuli nodan ku sa-saa lam, belen tuun lako. Nol eta muik atuli le nodan tahang ku sa-saa mesa kam, belen lako.”

Matius 7:8

Ta totoang atuil in nodan napiut se Ama Lamtua ngas, mam simu. In nuting tutungus sas, mam hapu. In biu tutungus sas, mam Un sai beles hnita.

Lukas 11:11

Olan mi nangan soba-nanan! Hapun se ola le muik ama mes, eta un ana ka nodan ikan nam un belen ula la!

Lukas 11:9

Ela kon nol in kohe-kanas. Nodan tutungus se Ama Lamtua; tiam Un bele. Nuting tutungus; tiam Un tulu bel lalan. Haman tutungus; tiam Un sai hnita ka.

Lukas 18:1

Oe mesan na, Yesus tui Un ima-ii las nini kleta, le oen kohe-kanas tutungus, nol oen in makoe ka ilang deken. Oen musti parsai napiut se Ama Lamtua.

Yakobus 4:3

Ta eta mi kohe-kanas tutungus kon no, mi haup asa man mi in nodan na lo, undeng mi kohe-kanas le nodan muid mi in koma ka esa tuun.

Yakobus 5:11

Eta muik atuli in keeh nal se susa dalen nam, kit kom in nikit-nikit atuling na ngala ka. Tuladang el upung Ayub. Un haup susa-daat bili-ngala, mo un tahang nala. Kon nam Ama Lamtua namnau una, hidim daek banan nas totoang bel Ayub. Ama Lamtua daek ela, undeng Un dalen na banan, hidim inu nol in namnau.