Lukas 10:32 - Buk Niu In Hida Balu nol Dehet deng Apan-kloma ki in Dadi ka

³² Nesang lom, muik atuli mes didang pait maa lako deng na. Un nam deng ngaal Lewi, man taom daek hulung se Ama Lamtua Allah Um in Kohe-kanas Tene ka. Nikit un ngat atuling na se lalan suut ta kon, un laok tinang dadani tuun, mo tulung atuling papa na lo. Hidim un sisa lako lalan halin, le laok napiut.

Lukas 10:32 Iomraidhean Croise

Lukas 10:31

Nesang lo kon, tulu agama Yahudi las mes niu maa lako deng lalan na. Mo nikit un ngat net atuling na nini batlenga nol apa ka papa si-sii se lalan suut ta, kon un tene le tulung atuling na lo. Mo un sisa lako lalan halin, le laok napiut.

Lukas 10:33

Ti nesang lo kon, atuli mes deng dale Samaria maa lako deng na nol un keledai la. Atuil Yahudi las taom ngat maat halin tuun nol atuil Samaria las. Mo nikit atuling Samaria nga ngat net atuling man tom in nuhu-dau na kon, un dalen kasiang nolan. Ta un lako dadani le tulung atuling na. Un doan anggor le boe atuling na papa las, hidim un mutis nini mina nol nius babanan nini kitu, le nikit sakeng lako se un keledai la dapa. Hidi kon un kil nol atuling na lako lius se kota la. Tukun nam un nolan lako tahang se um in hani mesa, hidim un mana atuling na bana-banan.

Dehet deng Aan in Nutus sas 16:28

Mo Paulus haman un nol mumuun le kaing noan, “Hoe ama! Keo bali ku apam ma deken! Ta kaim totoang mo ni nabale!”

Dehet deng Aan in Nutus sas 18:17

Kon atuil Yunani in se la ngas daek nal atuli mesa, ngala Sostenes. Un nam, tulu deng atuil Yahudi las um in kohe-kanas sa. Hidim oen pel nol un laok diku-puang se gubernur ra sila ka. Mo gubernur ra tao hii-hii lo.

Timutius dua la 3:2

Mam atuli las namnau oen apan nas siis nol kom duit naseke. Oen koaok nol apan nas, oen ngat tahan atuil lo, bilu-aa daat, dai hii-ming se atuil blalan nas lo, nodan mamo taan lo, hadat lo isi, kom dasi-dais in deng Ama Lamtua ngas lo,