Lukas 10:29 - Buk Niu In Hida Balu nol Dehet deng Apan-kloma ki in Dadi ka

²⁹ Mo atuling na tao apa ka banansila el atuil in parsai isi ka. Hidim un keket Yesus noan, “Lam auk kaak-paling ngias mo asiis sa?”

Lukas 10:29 Iomraidhean Croise

Markus 8:34

Hidi kon, Yesus haman atuil tenga las le maa nakbuan nol Un ima-ii las. Hidim Un tui oen noan, “Asii man kom le muid Au lam, un musti tahang, le muid Auk lelo-lelon! Un musti nadidingun soleng un in koma-koma ngas, le muid se Ama Lamtua Allah in koma ka sii. Atuli le keo un kon no, un musti muid napiut tuun, banansila el atuli haal un kai sangsuli la, le laok mate.

Lukas 10:36

Yesus in kleta ka pes ela. Hidim Un ketan atuling in taan hukung nga noan, “Muid ku lam, ol man baktetebes ‘pail-kaak’ taung atuling man tom in nuhu-dau ka la?”

Lukas 16:15

Mo Yesus siut noan, “Hoe! Mi tao niu apan nas se atuli li sila, mo elol kon Ama Lamtua Allah taan mi dalen in hmomos sa. Muik dasi mamo man atuli nikit lapa-lapa, molota Ama Lamtua Allah ngat dais nas sam hmomos, nol Un nikis one.

Roma 10:3

Undeng oen nangan taan lalan in nuil toma, man tao atuli li le babanan nol Ama Lamtua ka lo. Tiata oen nuting lalan esan, le halin soba-naan in babanan nol Una. Nini ela, oen dai hii-ming se Un lo.

Roma 4:2

Kit tui nal elia: eta Abraham haup in babanan nol Ama Lamtua, undeng un in daek dais banan na lam, un kon muik peke le aa kam baha tuan se atuli li sila. Mo se Ama Lamtua sila kam, un aa nal saa lo.

Galatia 3:11

Molota langa son noan, Ama Lamtua Allah sium atuli li undeng un in muid atorang agama la ka lo. Lole muik in dula noan, “Atuli li musti parsai se Au, halas-sam Auk sium un nol babanan, banansila el atuil in dalen lolo ka, le halin un haup in nuli napiut.”

Yakobus 2:24

Tiata na langa son noan, Ama Lamtua sium atuli lia, undeng un in parsai se Ama Lamtua ka sii lo, molam undeng un in kom le lako-daek sa-saa banan na ngas kon. Ta parsai tuun nam, nol lo bii.