Lukas 10:21 - Buk Niu In Hida Balu nol Dehet deng Apan-kloma ki in Dadi ka

²¹ Dedeng na, Ama Lamtua Koo Niu ka tao Yesus dalen kolo. Hidim Un naka Ama Lamtua noan, “Papa! Paap man daid Tuang Tene se apan-dapa kua nol apan-kloma kia. Auk nodan mamo-mamo, undeng Paap hep kele dais nias deng atuil man in tao apa ka noan tana, nol atuil in nikit-nikit apan na ngas. Mo Paap sai dais nias totoang bel tana-ana ngas, nol atuil in tao dalen deng dadale ngas. Baktebes Papa! Ta na man tao Paap dalen kolo!”

Lukas 10:21 Iomraidhean Croise

Matius 16:17

Kon Yesus tekan noan, “Simun, Yunus ana! Ku niam ulat! Ta atuli li man tek ku dais na lo. Molam Auk Amang in ne sorga ku, man tek ku dais na.

Matius 21:16

Kon oen tek Yesus noan, “Hoeh! Ku ming tana-anang nas in nakaa ka tam? Na tom lo tetetas!” Mo Yesus siut oen noan, “Hao, Auk ming. Mo tasao ka? Mi les net se Buk Niu ka deng tana-ana ngas in naka Ama Lamtua Allah ka lo bii ke? Ta muik dulan ne na noan, ‘Ama Lamtua Allah tui tana-ana mea, nol tana-ana blutu kas meman son, le oen naka-naka Una.’ ”

Matius 3:7

Dedeng na, atuli-atuil deng partei agama Farisi, nol partei agama Saduki, maas nodan Yuhanis le sarain oen kon. Mo nikit Yuhanis netas kon, un nahkaa oen noan, “Hoeh! Mi banansila el ul man nole-lilung daat ta! Mam Ama Lamtua Allah hukung mia, undeng mi in daek dadaat tas. Mi bali noan mi lail putim nal deng Un hukung nga le? Loo!

Markus 10:15

Mi nangan babanan! Atuil in kom le maa saol Ama Lamtua Allah ka, oen musti kom isi le net Una, banansila el tana-ana ngas in nangan isi le tutnaal nol oen ina-aman nas sa. Etan ela lo kam, oen haup in daid Ama Lamtua Allah atulin lo.”

Lukas 15:5

Un haup lae-blai na son nam, un haal pait nol dael kolo.

Lukas 15:9

Un net duit na kon, un lako haman atuil um halin nas, hidim tekas noan, ‘Mi maa le dael kolo leo-leo nol auk le! Ta auk haup pait auk duit muti man in ilang nga son!’

Yuhanis 11:41

Kon atuli deeh pekot bian batu la deng liang nga hnitan na. Hidim Yesus ngada lako bus el apan nua, le aa noan, “Papa! Auk nodan mamo undeng Paap hii-ming se Au.

Korintus dua la 4:3

Etan atuli li dai nangan taan Ama Lamtua Dehet Dais Banan, man kaim in tui son na lo kam, mam oen mate man hidi nutus taan lo ka.

Efesus 1:11

Undeng kit butu-kil nol Kristus, tiata kit kon sium nal pusaka in deng Ama Lamtua Allah ka. Ta deng lolo hmunan nu, Un huil kaim atuil Yahudi li son, le daid Un atulin. Un in tao ka le nini kaim halin sai lalan bel bangsa didang ngas, le halin totoang atuli li haup in parsai se Kristus. Totoang nias dadi, muid asa man Un nutus meman son na. Nini ela lam, kit totoang naka-nahalit nal Ama Lamtua Allah ngala man in muun isi ka.

Efesus 1:5

Un nutus meman son deng hmunan nua, nini Yesus Kristus le tao kit daid Un anan. Ni man tao Un dalen kolo.