Lukas 10:2 - Buk Niu In Hida Balu nol Dehet deng Apan-kloma ki in Dadi ka

² Un nutus oen noan, “Muik atuli mamo man banansila el ael in latu son na. Liis klapa lamtua ka tadu atuil in dake ngas le maa nul tuun. Tiata mi musti kohe-kanas le nodan Ama Lamtua Allah, tunang taplaeng Un atulin in dake ngas, halin tao nakbua atuli-atuil in le muid Au ngas. Undeng atuil in le muid Au ngas, mamo. Mo atuil in dake ngas suma bubuit sii.

Lukas 10:2 Iomraidhean Croise

Matius 20:1

Hidi nam Yesus tui noan, “Ama Lamtua Allah in kil prenta ka, banansila el kleta nia: muik klaap anggor lamtua mes puti oskaong bii, diuk eneng, le laok nuting atuli halin maa daek se un klaap anggor ra.

Markus 13:34

Nesang lo ka kam Auk lakong nang mia, mo mam Auk pait maang pait. Banansila el um lamtua mes nang soleng un uma la, le bok lako nusa katang. Un tadu un atulin in loka-loka ngas le mana-koet un uma la babanan. Nol un bating bel oen mesa-mesam nol oen osa. Un hid atuil in doh hnita ka ngas le doh babanan, didiin un pait maa.

Markus 16:15

Tiata, mi musti laok papmes apan-kloma ki le tek atuli las totoang deng Auk Dehet Dais Banan ni tia.

Markus 16:20

Hidi kon, Un ima-ii las, daek muid Un in leka ka. Oen lakos se ola-ol le tek atuli las totoang deng Dehet Dais Banan na. Nol Ama Lamtua Allah beles kuasa, le oen tao nal taad herang bili-ngala, banansila el asa man Yesus in tek oen son na. Atuli mamo parsai se Yesus, undeng oen taan son noan, Dehet Dais Banan na, meman tom baktetebes. Nikit bihaat at tilu las lakos lius Petrus nol atuil in leo-leo nol una ngas kon, oen tekas totoang asa man oen in ming son deng atuling muda ka in teka se niut utu kua ka. Hidim, Lamtua Yesus esa man prenta Un ima-ii las, le laok tek Un Dehet Dais Banan na se ola-ola, se papmes apan-kloma kia. Dehet Dais Banan nia, man tulu lalan le halin Ama Lamtua Allah bel boa-blingin atuli li deng oen in kula-sala ngas, halin oen nulis tutungus nol Una. Dehet Dais Banan nia, meman tom baktetebes. Tiata un tahang napiut didiin hidi nutus taan lo.]

Lukas 9:1

Oe mesan na, Yesus haman nakbua Un ima-ii at hngul dua kas, hidim Un bel oen kuasa le nulut nal uikjale, nol tao banan nal atuli las deng oen ili koed-ngasing ngas.

Dehet deng Aan in Nutus sas 11:19

Hmunan nua, dedeng oen pasang tele hidi Stefanus kon, oen mulai tao susa-daat saol Yesus atulin nas. Tiata oen lalis holhising lakos se ola-ola. Tenga las lalis lakos se propinsi Fenisia. Teng lalis lakos se nusa Siprus, nol tenga las pait lalis katang-katang lakos pes se kota Antiokia, ne propinsi Siria. Atuil in laling nias kon, nahdeh Lamtua Yesus Dehet Dais Banan na se ola-ola. Molam oen suma nahdeh bel oen atulin Yahudi las siis. Mo nahdeh bel atuil Yahudi lo kas lo.

Dehet deng Aan in Nutus sas 13:2

Oe mesan na kon oen telang, nol nakbua le todan-lahing se Ama Lamtua Allah. Kon nam Ama Lamtua Koo Niu ka tek oen noan, “Huil nal Barnabas nol Saulus. Ta Auk osa mamo. Oen duas musti daek os man Auk in ator bel oen son nia.”

Dehet deng Aan in Nutus sas 13:4

Dedeng Ama Lamtua Koo Niu ka prenta Barnabas nol Saulus, le oen duas laok tek deng Dehet Dais Banan na ka, laih hmunan na oen lakos se kota mes ngala Seleukia, man dani nol tasi suut. Yuhanis (man oen noken kon noan Markus) sa, lako muid leo-leo nol one. Lius se uas kon, oen saek lui ina le luan laa lakos el nusa Siprus, hidim oen nius se kota mes ngala Salamis. Se na, oen kom in taam laok se atuil Yahudi las um in kohe-kanas sa, le tui atuli las deng Ama Lamtua Allah Dehet-dasin na.

Dehet deng Aan in Nutus sas 22:21

Auk siut ela kon no, Yesus prenta ulang auk pait noan, ‘Tao nesa-nesang bakun tia! Bok lako deng Yerusalem nol ni tia! Ta Auk le tadu ku laok se mana-maan katang nguas, le tui atuli-atuil man Yahudi lo ngas.’ ”

Dehet deng Aan in Nutus sas 8:4

Atuli las tao sus Lamtua Yesus atulin nas, le didiin oen lalis holhising kon no, oen teen lo nol in tek atuli las tutungus deng Lamtua Yesus Dehet Dais Banan na se ola-ola.

Korintus mesa la 12:28

Ta se atuil in parsai ngas hlala, Ama Lamtua Allah bel kuasa le oen daek osa bili-ngala. Mesa la, Un nutus atuli tenga le laok tek Un in hida ngas. Dua la, Un pake atuli tenga le daid Un mee-baha. Tilu la, Un tao atuli tenga le oen tui taan atuli li deng Una. Hidim, Un bel atuli teng kuasa, le tao nal taad herang bili-ngala halin tulu Un in muun-tes sa. Tenga las haup kuasa le tao banan atuil in ili ngas. Tenga las pait haup karunya le tulung atuli. Tenga las pait tam, haup karunya le ator atuli lia, halin oen daek leo-leo nol babanan. Nol Un bel kuasa se atuli teng pait, le oen aa nal nini dasi bili-ngala.

Korintus mesa la 15:10

Mo Ama Lamtua Allah tulu Un dalen banan na bel au. Hidim Un man tao auk le halas ni auk daid banansila eli nia. Dedeng Un tao dais banan bel au ka, Un soleng oras parsum tuun lo. Lole auk man nuklek le daek mumuun dui deng atuil tenga las totoang! Molota na auk in dake lo, molam Ama Lamtua dalen banan na, man daek ne auk in nuli kia.

Korintus dua la 6:1

Undeng kaim daek leo-leo nol Ama Lamtua, tiata kaim le tui-tek mi elia: Ama Lamtua Allah tulu Un dalen banan na mamamo son bel mia. Tiata, mi sium Un dalen banan na nol mosa ela tuun deken.

Filipi 2:21

Un nam, banansila el kaka-pail tenga las lo. Ta oen nam, suma nangan oen apan siis tuun, mo lako-daek dasi-dais man in muun taung Yesus Kristus lo.

Filipi 2:25

Hmunan nu auk haup susa. Hidim mi nutus kit kaak-palin Epafroditus maa meo au. Un lako-daek Ama Lamtua osa la leo-leo nol au. Kaim duam tuladang el tentara man in makoe le muid un komendan na in prenta ka. Mo halas ni, auk nataka kam, auk musti tadu un pait tia se mia la.

Kolose 1:29

Undeng na le, auk dil dididi le daek mumuun bel mia. Auk dil dididi le daek mumuun nal bel mi ela, undeng Kristus in kuasa ka, man tao auk kuat-tes. Nol Un in kuasa ka, muun isi!

Kolose 4:12

Mi tapan Epafras, ne ia, un kon tunang boa-blingin bel mia. Un daid Yesus Kristus atulin in loka-loka. Un kohe-kanas mumuun bel mi tutungus, nol nodan le Ama Lamtua Allah tao tes mia, tao mi le nuil titu-tema, nol tao mi le taan baktetebes Un in koma ka.

Tesalonika mesa la 2:9

Kaka-pali me! Taon elola ko mi kon nangan net nabael noan, tasao le duman-lelo lam kaim daek hiti-late, halin temang kaim in nuli ki esan. Ta kaim kom in tao kukaum mi se dedeng kaim in kil Dehet Dais Banan na maa ka lo.

Tesalonika mesa la 5:12

Kaka-palis totoang! Nangan le halin todan ina-aam man in daid tulu deng grija la ngas. Ta oen man daek hiti-late taung mia, nol tek nuting mia, le halin mi nahim deken.

Tesalonika dua la 3:1

Kaka-paling totoang! Nadidingun in kohe-kanas bel kami deken. Kohe-kanas halin Ama Lamtua Dehet Dais Banan na holhising hlapat, le totoang atuli li se ola-ola sium Dehet Dais Banan na nol babanan, banansila el dedeng mi in sium Dehet Dais Banan na ka kon.

Timutius mesa la 4:10

Kit nene kit in nahlae ki se Ama Lamtua Allah man in nuli napiut ta. Un man bel boa-blingin atuli li totoang, dudui pait ta, bel boa-blingin kit man in parsai se Una ngas. Undeng na le kit daek mumuun nol nuklek mumuun.

Timutius dua la 4:5

Tiata ku musti nangan blatas! Tahang mumuun se in susa-daat tas dalen. Laok tek atuli li deng Dehet Dais Banan na, le halin nam oen sium Yesus Kristus. Lii-lau atuli li nol dael kolo, didiin in dake na hidi. Boel daek tailuang tuun deken.

Filemon 1:1

Surat ni deng au, Paulus. Auk tapang Timutius kon tunang boa-blingin. Sadi kaka tana, oen tahang auk ne bui nia, undeng auk tek atuli li deng Yesus Kristus. Auk dul surat ni bel ku, Filemon, man kaim in namnau, nol daid tapans in dake mes nol kami;

Ibrani 3:6

Lamtua Yesus kon daek muid Ama Lamtua Allah in koma ka, mo Un nam atuil in loka-loka banansila el upung Musa lo. Undeng Un nam, Kristus, Ama Lamtua Allah Ana, man Un hulin meman son deng lolo hmunan nua, le belen maa se apan-kloma kia. Nol Kristus taan baktetebes in mana-koet Un Ama ka uma isin nas. Tiata, eta kit kil dididi kit in parsai kia, nol kit nahlae napiut se Kristus sam, kit kon haup in tamang le daid Un uma isin.

Apan-kloma Hnika Balu 2:1

Hidi nam Atuling Baktetebes sa lok auk noan, “Yuhanis, ku musti dul surat mesa. Un isin na elia: ‘Taung jemaat se kota Efesus: Surat ni deng Au, Yesus. Auk man kil duun iut ne Auk imang kanan nia. Auk kon man laok pukiu le tinang hadut lil-mea nas mesa-mesa. Ta hii Auk in teka nia.